Новости за 14.04.2020

Ош шаарында жана Кара-Суу, Ноокат райондорунда коменданттык сааттын убактысы өзгөртүлдү. Эми бул аймактарда 16-апрелден тартып 21:00дөн таңкы саат 6га чейин коменданттык саат киргизилет. Тиешелүү буйрукка Ош шаарынын коменданты Малик Нурдинов кол койду. Мунун алдында Жалал-Абад шаарында жана Сузак районунда коменданттык сааттын убактысы 21:00дөн таңкы саат 6га чейин деп белгиленген. Бул убакта көчөдө жөө адамдар да, машине да жүрбөшү керек. Буга чейин коменданттык саат 20:00 - 7:00 аралыгында болчу. Читать дальше...

Жалал-Абад шаарында жана Сузак районунда коменданттык сааттын убактысы өзгөртүлдү. Эми бул аймактарда 16-апрелден тартып 21:00дөн таңкы саат 6га чейин коменданттык саат киргизилет. Тиешелүү буйрукка Жалал-Абад шаарынын коменданты Жеңиш Жоробеков кол койду. Андан тышкары мурда 16-апрелге чейин берилген өткөрмө уруксат кагаздардын жарактуу мөөнөтү 30-апрелге чейин узартылды. Кыргызстанда коронавирустун жайылышына жол бербөө максатында 25-марттан бери оору көп катталган Бишкек, Жалал-Абад, Ош шаарларында... Читать дальше...

35 жаштагы Элмира Орусияда коронавируска чалдыккан кыргызстандыктардын бири. Ал ушул тапта Москванын четиндеги Одинцово шаарындагы ооруканада дарыланып жатат. Москвада үч баласы менен күйөөсү үй карантинде отурат. 13-апрелге карата Орусияда коронавирусту бир күндө 2 558 адам жугузуп, жалпы илдетке чалдыккандардын саны 18 миң адамдан ашты.

Бажы кызматынын контрабанда башкармалыгынын мурдагы жетекчи орун басары Эмилбек Кимсанов Бишкектеги №1 тергөө абагында сабалганы кабарланды. Бирок бул маалыматты Жаза аткаруу кызматы төгүндөдү. Ал арада «Жарандык көзөмөл комитети» Кимсановго окшогон ири коррупциялык иштердин негизги күбөсүн коргоп калыш үчүн президент Сооронбай Жээнбековго кайрылды. Буга чейин Кимсановдун мурдагы жетекчиси Райымбек Матраимовдон ыдык көргөнүн, ал мыйзамсыз иштерге түрткөнүн айткан видеосу жарыяланган.

Өзгөчө абалда эки эсе күч-кубат менен иштеп жаткан дарыгерлер менен тартип коргоо кызматкерлери оор кыйынчылыкка туш болушту. "Эл үнү" аркылуу жардам алган жарандарыбыз, "Азаттык" радиосуна ыраазычылык билдирет.

Кыргызстан менен Кытайдын чек арасындагы «Эркечтам» өткөрмө бекетинин иши калыбына келтирилип, оор жүк ташыган автоунаалар үчүн ачылды. Эки тарап 14-апрелде ушундай келишимге келгенин Кыргызстандын Тышкы иштер министрлиги билдирди. Бирок адамдардын өтүүсүнө чектөө алынган жок. Ал эми кыргыз-кытай чек арасындагы дагы бир «Торугарт» бекетин ачуу эпидемиологиялык абалга жараша чечилет.   Кыргызстан менен Кытайдын чек арасында негизги кыймыл «Торугарт» жана «Эркечтам» өткөрмө бекеттеринде болот. Читать дальше...

Орусиянын Большой театрынын башкы директору Владимир Урин өпкөнү сезгенткен жаңы вирус театрдын 34 кызматкеринен аныкталганын билдирди. Алар пандемияга каршы күрөшүп жаткан дарыгерлердин урматына арналган «Биз биргебиз» аттуу концертти уюштуруу иштеринен четтетилди. Урин буга чейин алардан кандайдыр бир оорунун белгилери байкалбаганын, карантинге алынганын маалымдады.  Большой театрынын сахнасындагы «Биз биргебиз» аттуу алгачкы концерт 11-апрелде көрүүчүлөрсүз, онлайн өткөн. Ага эки күн калганда... Читать дальше...

Мамлекеттик бажы кызматынын Ош облустук башкармалыгынын мурдагы кызматкери Эмилбек Кимсановдун абакта сабалганын жакындары жана анын жактоочулары билдиришти. Бирок бул маалыматты ЖАМК төгүндөдү.

Кыргызстандын айрым аймактарында коронавируска байланыштуу киргизилген өзгөчө абал 30-апрелге чейин узартылды. Бул өлкөдө эпидемиологиялык абал азырынча оор болуп жатканы менен түшүндүрүлүүдө.

Казакстандын Тышкы иштер министрлиги кытай маалымат каражатындагы Казакстандын аймагы тууралуу макалага байланыштуу Кытайга каршылык жөнөттү. Ал макаланын автору «Казакстан ушул тушта ээлеп турган аймак бир кездерге Кытайга таандык болгон» дегендей мазмунда бүтүм чыгарган. «Тышкы иштер министрлигинде Кытайдын Казакстандагы элчиси Чжан Сяо менен жолугушуу болду. Анда казак тарап www.sohu.com сайтындагы «Эмнеге Казакстан Кытайга кайтып келгенге умтулат?» деген макалага байланыштуу каршылык айтылды», деп жазылат министрликтин билдирүүсүндө. Читать дальше...

Президент Сооронбай Жээнбеков 14-апрелде Кытайдын лидери Си Цзиньпиң менен телефондон сүйлөшүп, кыргыз-кытай чек арасынан жүк ташууну жандандыруу мүмкүнчүлүктөрүн талкуулады. Бул тууралуу президенттик аппарат билдирди.  Жээнбеков коронавирустун Кыргызстандын экономикасына тийгизген терс таасирин эске алуу менен Кытайдын алдындагы тышкы карыз боюнча төлөмдү жеңилдетүү жана төлөө мөөнөтүн узартуу мүмкүнчүлүгүн караштырууну сунуш кылды. Эки өлкөнүн башчылары ошондой эле илдет менен күрөшүү үчүн... Читать дальше...

Аламүдүн районундагы Кара-Жыгач айылынын атын ачык атабаган тургуну ылай суу агып жаткан суу түтүгүн тасмага тартып, "кир суу ичип жатабыз" деп "Азаттыкка" жөнөттү.

Нарын районунудагы Ак-Кудук айылынын тургуну Турдубек уулу Канатбек 760 киши жашаган айылда Интернет жоктугун айтып, өкмөткө кайрылды.

Баткен районунда медицина кызматкерлерин ишке жана үйлөрүнө жеткирүү кандай кыйын болуп жаткандыгын көрсөткөн видео тасманы аты белгисиз айдоочу "Азаттыкка" жиберди. Бужум айылына келип токтогон "Тез жардам" машинасынан туура 20 адамдын түшкөнү көрүнөт.

Орусия Кыргызстанга кайтарымсыз негизде коронавирусту аныкташ үчүн 20 миң анализ чыгарууга жеткидей 200 ПЧР тест-системаларын берди.  Кыргыз өкмөтүнүн маалыматы боюнча ПЧР тест-система топтомдору Кыргызстанга 15-апрелде жеткирилет. 14-апрелге карата Кыргызстанда коронавирус 430 адамга жукту, бешөө каза болуп, 71 адам айыгып чыкты. Ооруканада жаткан 13 бейтаптын абалын дарыгерлер оор деп баалап жатышат. Вирус жуккан 430 кишинин арасында 83 медицина кызматкери бар. Бул жалпы бейтаптардын 18,5% түзөт. Читать дальше...

Курамында D витамини бар азыктардын иммунитетти чыңдоодо ролу зор экенин окумуштуулар далилдешти.

«Газпром-Кыргызстан» компаниясы доллардын көтөрүлүшүнө байланыштуу жаратылыш газынын калкка жана ишкана-уюмдарга сатыла турган баасы көтөрүлгөнүн жарыялаган.

Президент Сооронбай Жээнбеков Евразия Экономикалык Биримдигинин (ЕАЭБ) аймагында товарларды экспорттоого же импорттоого чектөө киргизилбеши керек экенин билдирди. Бул тууралуу ал 14-апрелде Евразия экономикалык кеңешинин (ЖЕЭК) мүчөлөрүнүн видеоконференция форматындагы жыйынында айтты. «Биримдиктин алкагындагы элди негизги азык-түлүк товарлары менен камсыз кылыш үчүн бардык мүмкүнчүлүк бар. ЕАЭБдин ичинде социалдык маанидеги товарларды өз ара соода кылууга чектөө киргизилбеши керек», - деди президент. Читать дальше...

Коронавируска каршы республикалык штаб өлкө аймагында өзгөчө абал аяктагыча ачылбай турган жайлардын тизмесин жарыялады. Алар: - бала бакчадан баштап жогорку окуу жайларына чейинки бардык билим берүү мекемелери; - оюн-зоок жайлары, соода борборлору, ири базарлар жана дүкөндөр, барлар, түнкү жана оюн клубдары, театрлар, музейлер жана кинотеатрлар. Штаб азык-түлүк дүкөндөрү жана күнүмдүк жашоого керектүү товар сатылган базарлар, дарыканалар ишин уланта берерин белгиледи. Коронавирус коркунучунан улам 25-марттан 15-апрелге чейин Бишкек... Читать дальше...

Кыргызстан менен Тажикстандын чек арачылары коронавирустун жайылышынын алдын алуу маселелерин талкуулашты. 14-апрелде Саада тилкесинде, андан кийин Баткен облусунун Лейлек районуна караштуу Кулунду айыл аймагынын Сай айылында эки өлкөнүн чек арачыларынын жолугушуусу болуп өткөнүн Кыргызстандын Мамлекеттик чек ара кызматы кабарлады. Мекеменин маалыматына караганда, COVID-19 вирусун жайылтпоо максатында көрүлүп жаткан кошумча чаралар тууралуу сөз болду. Эл көп отурукташкан чектеш айылдарда оорунун... Читать дальше...

Баткен өрөөнүндө 9-10-апрель күндөрүндө  жааган кардын жана үшүктүн айыл чарбасына келтирген зыянын облустук комиссия эсептеп чыкты. Комиссиянын жыйынтыгына караганда, облус боюнча 1971 гектар аянттагы өрүк, алма, шабдалы жана башка мөмөлүү дарактардын түшүмү жараксыз болуп калган. Анын жалпы чыгымы орточо 480 млн. сомго бааланууда. Бул тууралуу кыргыз өкмөтүнүн Баткен облусундагы өкүлчүлүгү билдирди. Баткен облусунда 7 миң гектардан ашык өрүк бактары бар. Андан түшкөн жылдык киреше орто эсеп менен 8 млрд. Читать дальше...

Украинада Чернобыль атомдук станциясынын айланасындагы аймакта 11 күндөн бери токойлор өрттөнүп жатат. Өрт ири кырсыктан кийин жабылган станцияга жакындап баратканы менен бийлик «кырдаал көзөмөлдө» деп кайталоодо.

Кыргызстанда өзгөчө абал узартылды. Москвада коронавирусту жуктургандар 13 миңден ашты. Коронавирустун жайылышы күн ысыганда ооздукталабы? Стенфорд университетинин илимпозунун пикири.

Дүйнөнүн бир топ мамлекеттеринде киргизилген карантинге байланыштуу үй-бүлөдө зордук-зомбулук күч алды. Кыргызстанда да укук коргоочулар күйөөсүнөн кордук көргөн аялдардын саны өскөнүн айтышууда.

Жогорку Кеңештин депутаты, «Республика – Ата Журт» фракциясынын лидери Мирлан Жээнчороев өзгөчө абалга байланыштуу тартип бузган адамдарды видео тасмага тартып алып, аны социалдык тармактарга жарыялаган милиция кызматкерлерин жоопко тартууну башкы прокурордон талап кылды. Депутат ошондой эле Улуттук коопсуздук боюнча мамлекеттик комитеттин (УКМК) дарыгерлерди кайра айтканын жокко чыгартып, кечирим суратып, аны тасмага тартып, социалдык тармактарга тараткан кызматкерлерине карата мыйзамдуу жоопкерчилик маселесин кароону талап кылды. Читать дальше...