Новости за 20.02.2020

Бүгүн, 20-февралда Бишкекте абанын булганышына каршы кезектеги акция өттү. Президенттин жана парламенттин кеңсеси жайгашкан имараттын алдында уюштурулган иш-чарага 20дай сүрөтчү катышып, экология темасына арналган сүрөттөрүн алып чыкты. Айрымдары көркөм өнөрдүн тили менен оюндарды уюштурушту. Атайын орнотулган тактага ар ким каалоосун жазды. Акциянын катышуучусу, сүрөтчү Назгүл Куватбекованын айтымында, жарандык активисттер уюштурган мындай иш-чара дагы уланат.  «Декабрда биринчи акция өткөргөнбүз. Читать дальше...

Оштун Озгур айылынын тургундары жеке колго өтүп кеткен үлүш жерин кайрып ала албай соттошуп келе жатышат. Учурда жерге ээлик кылып турган «Түштүксуукурулуш» акционердик коому «жерди басып алууга аракет кылып жатышат» деп айыл тургундарына кине коюуда.

Бишкектин жүзгө жакын мектепер менен бала бакчанын кире беришине пандус орнотулат. Бул тууралуу 20-февралда баш калаанын мэриясы кабарлады.  Мекеменин басма сөз кызматы билдиргендей, бул үчүн шаардык бюджеттен 4,5 миллион сомго жакын каражат бөлүнөт. Бул акчага 51 мектепте жана 37 бала бакчада пандус курулат. Айрым укук коргоочулар белгилегендей, Бишкектеги имараттардын 97% майыптарга ыңгайлашкан эмес.  Бүгүнкү күндө Кыргызстанда 180 миңден ашык майып бар. Анын 30 миңге жакыны 18ге чыга элек. Читать дальше...

Президент Сооронбай Жээнбеков парламенттик шайлоого катышуу ниетин билдирген бардык партияларга карата бирдей мамиледе болорун айтты. 20-февралда Жогорку Кеңештин жалпы жыйынында сүйлөп жатып мамлекет башчысы «бир партияга эмес, жалпы элге кызмат кылыш үчүн шайланып келгенин» белгиледи: «Мен бардык партияларга карата бирдей мамиледе болом. Жалпы элге кызмат кылуудамын. Шайлоодо жеңип келген партиялардын кимиси болбосун, мамлекеттин кызыкчылыгында чогуу иштегенге даярмын». Кыргызстанда 250дөн... Читать дальше...

21-февралда Кыргызстандын аймагында жаан-чачын жаабайт. Түштүк-чыгыш тараптан соккон шамалдын ылдамдыгы секундасына 5-10 метрге жетет. Абанын температурасы: Чүйдө түнкүсүн 0…-5, күндүз 10…15; Таласта түнкүсүн -1…-6, күндүз 10…15; Баткенде, Ошто, Жалал-Абадда түнкүсүн 0…-5, күндүз 11…16; Ысык-Көлдө түнкүсүн -4…-9, күндүз 4…9; Нарында түнкүсүн -12…-17, күндүз -2…+3; Бийик тоолуу райондордо түнкүсүн -19…-24, күндүз -3…-8 градус болот. Бишкекте жаан-чачын жаабайт. Абанын температурасы түнкүсүн -3…-5... Читать дальше...

Акыркы жылдары Кыргызстанда сарык, кургак учук, адамдын иммундук таңсыктыгы, альвеококкоз, эхинококкоз деген жугуштуу ооруларды жуктуруп алып, ден соолугунан ажырагандардын саны көбөйүп жатат.

Кыргызстанда жугуштуу сарык оорусуна чалдыгып, боору жарабай калган өнөкөт оорулуулар 2008-2018-жылы расмий маалыматтар боюнча 250 миңдин тегереги деп белгиленген. Өлкөдө гепатиттин А, В, С түрү улам жайылууда. Кыргызстанда гепатиттин В түрүнө каршы эмдөө жүргүзүлөт. Бул түрүнө эмдөө алган кишиге Д түрү да жукпасы айтылып келет. Эмдөө үчүн кандай анализдер талап кылынат жана канча акча кетет? "Азаттыктын" кабарчылары мына ушул эмдөө кантип, кайсы клиникаларда ишке ашарын сураштырып көрдү.

Бишкек шаардык соту райондук соттун мурдагы президент Алмазбек Атамбаевдин бөгөт чарасын узартуу тууралуу чечимин күчүндө калтырды. Бул тууралуу «Азаттык» радиосуна адвокат Замир Жоошев билдирди. Анын айтымында, Атамбаевди абакта кармоо тууралуу чечим мыйзамсыз экени тууралуу арыз шаардык сотко эки апта мурда жиберилген.  «Жазык-процессуалдык кодекстин 474-беренесинде «өз ишмердүүлүгүн токтоткон президентти тергөө абагына отургузмак түгүл аны жада калса кармоого болбойт» деп жазылып турат. Бул... Читать дальше...

Анжиянда 15 жыл мурда болгон окуя тууралуу Өзбекстандын баш прокурорунун орун басары Светлана Артыкова маалымат агенттиктердин бирине курган маегинде «бийлик ошол кезде көп каталарга жол бергенин» айтты.

Маданият, маалымат жана туризм министрлиги Кыргызстанда толук метраждуу көркөм тасманын мыкты сценарийине сынак жарыялады.  Министрликтин басма сөз катчысы Айнура Асанбаева «Азаттыкка» билдиргендей, сынакка Кыргызстандын жараны болгон кесипкөй киносценаристтер, кино ишмерлер, жазуучулар, журналисттер катыша алышат. «Мекенчилдик жана мекенди сүйүү, үй-бүлөлүк салттарды сактоо жана бекемдөө, жаштар жана келечек муунду тарбиялоо, балдарды колдоо, айлана-чөйрөнү жана экологияны коргоо, туулган жерге... Читать дальше...

Президент Сооронбай Жээнбеков Кыргызстанда партиялардын парламентке өтүшүнүн босого чегин 9% кылууга саясий күчтөр даяр эмес деп эсептейт. Мындай пикирин ал 20-февралда Жогорку Кеңештин жалпы жыйынында сүйлөп жатып билдирди: «Коомчулуктагы талкуу көрсөткөндөй, саясий күчтөр, партиялар, партия лидерлери буга даяр эмес. 7 пайыз - бул биз басып өткөн, сыноодон өткөн жол. 5 жана 3 пайызды айткандар «жаштарга мүмкүнчүлүк берели» деген, элдин кулагына жага турган жүйөлөрдү айтууда. Бирок чынында жаштарды бетке кармап алып... Читать дальше...

Түркия Сириянын күчтөрү Идлибден чегинбесе, аймакта аскердик операциясын баштай турганын эскертти. Президент Эрдогандын мындай билдирүүсүн Москва сынга алды.

Президент Сооронбай Жээнбеков мамлекеттик кызматка киришип жатып эл алдында ант бергендерди жоопкерчилигин унутпоого чакырды. 20-февралда Жогорку Кеңеште өкмөттүн жаңы мүчөлөрү ант берди. Жээнбеков депутаттардын жана өкмөттүн алдында сүйлөп жатып, ант бузгандардын тагдыры жакшы болбой турганын эскертти: «Анттын өзгөчө мааниси бар. Бул абдан бийик нерсе. Ант - жөн эле трибунага чыгып, кагаздан окуп коюш эмес. Ант берген адам биринчи кезекте элдин, мыйзамдын, абийирдин алдында жоопкерчиликти алат. Читать дальше...

«Акнет» ишканасынын акционерлеринин ортосундагы чыр дагы деле уланууда. Компаниянын негиздөөчүлөрүнүн бири Кубан Ажимудиновдун тарапташтары «Акнет» рейдердик басып алууга кабылганын айтып, «күч органдары кысым көрсөтүп жатат» деп арызданышты.

«Акнет» ишканасынын акционерлеринин ортосундагы чыр дагы деле уланууда. Компаниянын негиздөөчүлөрүнүн бири Кубан Ажимудиновдун тарапташтары «Акнет» рейдердик басып алууга кабылганын айтып, «күч органдары кысым көрсөтүп жатат» деп арызданышты.

Жаңы вице-премьер-министрлер Эркин Асрандиев менен Акрам Мадумаров Жогорку Кеңештин 20-февралдагы жыйынында ант беришти. Ант берүү иш-чарасына президент Сооронбай Жээнбеков, өкмөттүн толук курамы жана депутаттар катышты. Экономика тармагын тейлеген мурдагы вице-премьер-министр Замирбек Аскаров кызматтан алынып, ордуна Эркин Асрандиев дайындалган. Ал буга чейин Кыргыз-орус өнүктүрүү фондун жетектеп турган. Дагы бир мурдагы вице-премьер-министр Жеңиш Разаков кызматтан кетип, анын ордуна Акрам Мадумаров дайындалган. Читать дальше...

Чүйдүн Беловодское айылындагы психоневрологиялык социалдык стационардык мекемедеги окуяны иликтөөгө жарандык коомдун өкүлдөрү да катышат. Бул тууралуу 20-февралда Эмгек жана социалдык өнүгүү министрлиги кабарлады. Мекеменин басма сөз кызматы кабарлагандай, Москва райондук ички иштер башкармалыгы балага карата зордук-зомбулук жана ырайымсыз мамиле болгон-болбогонун териштирип жатат. «Ички териштирүү учурунда баланын денесинде белгисиз себептерден улам пайда болгон көк ала аныкталган. Бала тарбияланып... Читать дальше...

Ош облусунда мечиттин чатыры күйүп кетти. Бул тууралуу Өзгөчө кырдаалдар министрлиги кабарлады. Мекеменин басма сөз кызматы кабарлагандай, окуя 20-февралга караган түнү Кара-Суу районунун Кашкар-Кыштак айылында болгон. Усманов көчөсүндө жайгашкан жыгач устундуу тунуке жабылган мечиттин 300 чарчы метр чатыры күйгөн. Өрттүн себеби такталууда. Адамдар жабыркаганы тууралуу маалымат жок. Соңку бир сутка ичинде Кыргызстанда жалпысынан тогуз өрт катталып, 12 бөлүм тартылды. Быйыл январь айында Алайдын... Читать дальше...

Кыргызстандын мамлекет башчысы Сооронбай Жээнбеков бүгүн, 20-февралда парламенттин жалпы отурумуна катышат. Президент жыйынга Өкмөттүн жаңы мүчөлөрүнүн ант берүүсүнө байланыштуу катышат. Мындан тышкары мамлекет башчы өлкөнү өнүктүрүү жана коомдогу ынтымакты бекемдөө жаатында айрым маанилүү маселелердин айланасында сөз сүйлөйт. Бул тууралуу президенттик аппараттын маалыматтык саясат бөлүмү билдирди. Конституцияга ылайык, өкмөттүн жаңы мүчөлөрүнүн ант берүүсү президенттин катышуусу менен өтөт. Читать дальше...

Boeing компаниясы 737 MAX үлгүсүндөгү учагынын бензин куюуучу бактан турдүү заттар табылганын билдирди. Корпоарация буга байланыштуу иликтөө иштерине жана сатыкка даярдалып жаткан учактарды текшерүү киришкенин Reuters агенттиги Boeing компаниясынын ички документтерине таянып билдирди. Boeing 737 Max учактары былтыр марттан тарта пайдалануудан алынган. Буга аталган үлгүдөгү учактардын кырсыкташы негиз берген. 2018-жылы октябрда Индонезияда, 2019-жылы мартта Эфиопияда жүргүнчү ташып бараткан Boeing 737 Max учактары кыйраган. Читать дальше...

Алар басылмага жарыяланган "Кытай - Азиядагы накта оорулуу" деген макала үчүн аккредитациясынан ажырашканы кабарланууда. Журналисттер өлкөдөн беш күн аралыгында чыгып кетүүгө тийиш. Макала 3-февралда "Пикирлер" деген рубриканын алдында жарыяланган. Анда Кытайдын бийлиги эпидемиянын чыныгы масштабдарын жашырып жатканы тууралуу айтылган. Бирок макаланы бул журналисттер эмес, профессор Уолтер Рассел Мид жазган. Кытайдын тышкы иштер министрлигинин өкүлү макала вирустун жайылуусуна каршы күрөшүүдөгү... Читать дальше...

Бул тууралуу АКШнын президенти Дональд Трамп "Твитттердеги" баракчасына жазды. «Мен Жон Рудга биздин өлкөгө кылган кызматы үчүн ыраазычылык билдирип, мындан аркы иштерине ийгилик каалагым келет" деп жазды президент Трамп. Bloomberg News ишенимдүү булактарына таянып, Жон Руд кызматтан басым алдында кетти деп жазды. Руд АКШнын коргоо министринин саясий маселелер боюнча орун басары болуп, 2018-жылы январдан бери иштеп келген. Руд былтыр майда Конгресске Украинага 250 млн доллар өлчөмүндө аскердик жардам берүү пландалганын билдирген. Читать дальше...

Биринчи май райондук прокуратурасы Бишкектеги №5 бала бакчанын жетекчиси жана тарбиячылары ата-энелер чогулткан акчаны менчиктеп алышканын аныктады. 2017-2019-жылы коротулган акчанын жалпы суммасы 396,7 миң сом. Мындан тышкары 156,4 миң сом мыйзамсыз түрдө айлык акы катары бала бакча директорунун эжесине төлөнүп берилген. "Эжеси кароолчу катары ишке мыйзамсыз кабыл алынган. Андан кийин тарбиячынын жардамчысы, аягында окутуучу болуп катталган. Бирок бала бакчанын эмгек жамааты ал бир да күн... Читать дальше...