Новости за 02.08.2021

Azat Ýewropa/Azatlyk Radiosynyň deňrewi webkamera-studiýalarynda işleýän ýaş aýallaryň zorluga, haýýarlyga, hat-da jynsy zorluga sezewar edilmegi ýaly ýagdaýlaryň üstüni açýar. Şular ýaly ýagdaýlaryň azyndan ikisi janyna kast etmek bilen gutardy. Biz Gyrgyzystanyň, dünýäde multi-millard dollarlyk pudak bolan, webkamera-studýalarynda işlän adamlaryň ençemesi bilen söhbetdeş bolduk. Olar gümürtük tejribelere ýagty saldylar, şeýle-de munuň bilen bagly ýokary derejli resmileri dildüwşükde aýypladylar. Читать дальше...

Belarusly olimpiýa sportsmeni Krystsina Tsimanouskaýa belarus resmileriniň onuň çykyşyny kesmek we Minskä zor bilen gaýtarmak tagallalaryndan soň Tokionyň halkara howa menzilinde gijäni geçirip, 2-nji awgustda Polşanyň ilçihanasyna bardy. 24 ýaşly türgeniň Ýaponiýanyň paýtagtyndaky ilçihana girendigi we watanynda tussag edilmeginden gorkup, Polşadan syýasy gaçybatalga soramagy meýilleşdirýändigi aýdylýar. BMG-nyň Bosgunlar boýunça baş Komissarynyň edarasy we Halkara Olimpiýa komiteti onuň ýagdaýyny çözmäge kömek edýän toparlaryň arasynda. Читать дальше...

Türkmenistanda walýuta söwdagärlerine garşy reýdler geçirilýär. Soňky bir hepdäniň dowamynda Aşgabatda, Türkmenabatda we Daşoguzda walýuta söwdagärleri tussag edildi diýip, Azatlygyň habarçylary habar berýärler. Reýdleriň netijesinde 1 million dollardan gowrak pul we onlarça million manat ele salyndy. Ýekşenbe güni Türkmenabatda walýuta söwdagärleriniň öýlerinde barlag geçirildi. Azatlygyň çeşmelerine görä, tutuş ýurt boýunça gara bazar walýuta söwdagärlerine garşy guralýan reýdler prezidentiň... Читать дальше...

Gurak gelen ýylyň yssy günlerinde elektrik, gaz we suw ýetmezçiligi esasynda döreýän kynçylyklar dowam edýär, oba adamlary öz durmuşlarynyň barha kän ýüz ýyl öňki durmuşa meňzeýändigini aýdýarlar. Aşgabatdan Lebaba gelen barlagçylar suw ýetmezçiliginiň sebäbini melleklere ekilýän ekinde görýär.

Geçen hepde Lebap welaýatyna Aşgabatdan ýörite barlag topary geldi. Paýtagtdan gelen bu barlagçylar sebitiň oba hojalyk pudagynda barlaglary geçirip, kärende ýerlerinden ikinji hasyl almakçy bolýan daýhanlaryň ekin meýdanlaryny sökýärler. Olar ekinleriň sökülmeginiň sebäplerini bu ekinler zerarly gowaça we bugdaý meýdanlaryna suw ýetmeýändigi bilen düşündirýärler. Ýöne daýhanlar suw üpjünçiligi meselesiniň bu ekinler ekilmezden öň hem uly problemadygyny aýdýarlar.

1-nji awgustda öýlän sagat 4-de onlarça türkmen migranty Türkmenistanyň Stambuldaky konsulhanasynyň öňünde prezident Gurbanguly Berdimuhamedowyň awtoritar syýasatyna garşy protest aksiýasyny geçirmäge synanyşdy. Aktiwistlere görä, protestçiler "türkmen režiminiň hakyna tutma tarapdarlarynyň" hüjümine duçar boldy. Bir aktiwistiň gapyrgasyna şikes ýetdi, ýene bir aktiwist elinden we garnyndan pyçak bilen ýaralandy. Şikes alan üçünji aktiwistiň ýagdaýy derňelýär.

Paýtagtyň birnäçe etraplarynda, şeýle hem Çoganlyda birnäçe günläp ýaşaýyş jaýlarda suw üpjünçiligi gaty gowşady. Suw adatça irden gysga wagtlap berildi. Azatlyk Radiosynyň habarçylary Aşgabat şäheriniň ýaşaýjylarynyň tomsuň yssysynda suwsyz nädip çykalga tapýandyklary barada habar berýärler.

Türkmenistanda koronawirusa garşy girizilen hereket çäklendirmeleri, adatça, ýurduň beýleki künjeklerinden getirilýän azyk, şol sanda bakja önümlerine belli bir derejede garaşly bolan sebitlerde onsuz hem telim esse gymmatlan iýmit önümleriniň bahalarynyň artmagyna sebäp bolýar. Beýleki tarapdan, gök-bakja ekinlerini ýetişdirýän kärendeçi daýhanlar hem, harytlaryny wagtynda ýerläp bilmän, uly zyýana galýandyklaryny aýdýarlar.

Owgan goşunlary 2-nji awgustda günorta Helmand welaýatynyň paýtagtyny gözegçilik astynda saklamak ugrunda "Talyban" söweşijileri bilen söweşdi. Hökümet sebite ýüzlerçe ýörite güýç iberiljekdigini yglan edeninden birnäçe sagat soň, "Talyban" Helmandyň paýtagty Laşkar Gahda basyşlaryny güýçlendirdi. "Talyban" söweşijileri hepdäniň ahyrynda bir gijäniň dowamynda azyndan iki welaýat paýtagtyna - günortada Kandahara we günbatarda Hyrata hüjümlerini dowam etdirdiler. Agyr söweşlerden soň müňlerçe parahat ýaşaýjy zorlukdan gaçmaga mejbur boldy. Читать дальше...

Käbir demonstrasiýalaryň resmi taýdan gadagan edilendigine garamazdan, müňlerçe adam Berliniň köçelerine çykyp, Germaniýanyň hökümetiniň COVID-19 keseliniň ýaýramagynyň täzeden güýçlenmegine garşy girizen çärelerine garşylyk bildirdi. Polisiýa 1-nji awgustda käbir demonstrantlaryň polisiýa işgärlerine "azar berendigini we hüjüm edendigini" we Germaniýanyň paýtagtynyň käbir ýerlerinde ulag hereketine päsgelçilik bermek üçin ýol böwetlerini ulanandygyny aýtdy. Polisiýanyň metbugat sekretary 5000 demonstrantyň bolandygyny çaklady. Читать дальше...

ABŞ-nyň administrasiýasy käbir owganlary Amerikanyň Birleşen Ştatlaryna bosgun hökmünde göçürmek üçin täze maksatnamasyny yglan etmekçi bolýar diýip, Reuters habar gullugy administrasiýa işgärine we beýleki ygtybarly iki çeşmä salgylanyp habar berýär. Hasabatda ABŞ-nyň Döwlet departamentiniň adynyň aýdylmazlygy şerti bilen gürlän üç çeşmäniň habaryna görä, bosgunlar üçin ileri tutulýan iki maksatnamanyň 2-nji awgustda yglan edilmegine garaşylýar. Reuters habar gullugy Döwlet departamentiniň düşündiriş... Читать дальше...

Halkara Olimpiýa komiteti sport topary tarapyndan howa menziline mejbury äkidilendigini aýdan belarusly sprinter Krystina Tsimanouskaýa uçara münmekden ýüz öwüren soň onuň "ygtybarly we howpsuz ýere" äkidilendigini 2-nji awgustda habar berdi.  Sportsmen zenanyň tarapdarlary onuň daşary ýurda gaçybatalga almagy planlaşdyrýandygyny habar berdiler. Ýaponiýanyň polisiýasyndan gorag soran 24 ýaşly Tsimanouskaýa 2-nji awgustda irden heniz Tokionyň Haneda aeroportundady. Tsimanouskaýanyň haýsy ýurtda gaçybatalga aljakdygy belli däl. Читать дальше...