Եվրամիությունը Հայաստանին կօժանդակի 30 մլն.եվրո գումարով
Եվրոպական հանձնաժողովը ընդունել է 30 մլն եվրոյի նոր աջակցության ծրագիրը՝ ուղղված Հայաստանում բարեփոխումների իրականացմանը աշխատանքի, ֆինանսական կառավարմանը քաղաքացիական հասարակության մասնակցության, ժողովրդավարական որոշումների կայացման գործընթացներում:
Ինչպես ԱրմԻնֆո գործակալությանը տեղեկացվել է Հայաստանում Եվրոպականմիության պատվիրակության մամուլի ծառայությունից, Եվրոպական հանձնաժողովը հայտարարել է, որ նոր աջակցության ծրագրի նպատակն է օգնել Հայաստանին՝ ավելի լավ աշխատանքի հնարավորություններ տրամադրել քաղաքացիներին, ամրապնդել երկրի բյուջետային կառավարումը, և բարելավել քաղաքացիական հասարակության մասնակցությունը ժողովրդավարական որոշումների կայացման գործընթացում: «Մեր այս նոր ծրագիրը թույլ կտա մեր արևելյան հարևանին բախտորոշ բարեփոխումներ իրականացնել: Սա լավ նորություն է ՀՀ քաղաքացիների համար: Պետական ծառայությւոնների մատուցման որակի բարելավման կամ աշխատանքի տեղավորման հնարավորությունների ընդլայնմանն ուղղված բարեփոխումները պետք է օգտավետ կլինեն երկրի բնակչության համար»,-նշել է ԵՄ հարևանության քաղաքականության և ընդլայնման հարցերով հանձնակատար Յոհաննես Հանն այս առնչությամբ:
Ինչպես նշվում է աջակցության ծրագրի 15 մլն եվրոն կուղղվի «Ավելի լավ որակավորում՝ ավելի լավ աշխատատեղ» ծրագրին, 10 մլն եվրոն՝ «Հանրային ֆինանսների քաղաքականության բարեփոխումների ծրագրին», ևս 5 մլն եվրո կհատկացվի քաղաքացիական հասարակության զարգացմանը: