Ֆինանսների նախարար. Իշխանությունները սահմանադրական բարեփոխումներ են նախաձեռնել առաջին հերթին ժողովրդի համար
Իշխանությունները սահմանադրական բարեփոխումներ են նախաձեռնել առաջին հերթին ժողովրդի համար, այսօր լրագրողներին հայտարարել է Հայաստանի ֆինանսների նախարար Գագիկ Խաչատրյանը:
Նրա խոսքով, ցանկացած օրենք ընդունելիս անհրաժեշտ է կանխատեսել դրա կիրառման հետևանքները: Սահմանադրական բարեփոխումներն առաջին հերթին ժողովրդի համար են: ՙԷլ ու՞մ համար, մեր իշխանությունները կարո՞ղ է, ասենք, Ադրբեջանի իշխանություններն են՚,- ասել է նախարարը՝ ավելացնելով, որ միայն ժողովուրդն է որոշում՝ կլինի նոր Սահմանադրություն, թե՞ ոչ: