Түбән Новгород татарлары Эчке эшләр бүлегендә эшләүче хатын-кызларны котлады
(Казан, 5 март, «Татар-информ»). Түбән Новгород өлкәсенең «Сергач» районара эчке эшләр бүлеге каршында эшли торган Иҗтимагый советның чираттагы утырышы булды.
Совет рәисе Харис хаҗи Хәкимов агымдагы елның ике аена исәп-хисап ясады, киләчәккә планнар белән таныштырды. Бүлек җитәкчесе, полиция полковнигы Юрий Левкин районнардагы криминаль хәл, полициянең эшчәнлеге турында сөйләде, дип хәбәр итә Түбән Новгород өлкәсенең «Туган як» газетасы.
Соңыннан Харис Хәкимов белән Юрий Левкин Иҗтимагый советта булган хатын-кызларны якынлашып килгән 8 Март бәйрәме белән котлады һәм бүләкләде.