Россияга мигрантларни ноқонуний олиб кириш билан шуғулланган Ўзбекистон фуқароси қўлга олинди
Маълум бўлишича, ўзбекистонлик 35 ёшли шахс Саратов вилоятининг Озинки шаҳридаги Россия ва Қозоғистон ўртасидаги халқаро назорат-ўтказиш пункти орқали ноқонуний миграция каналини ташкил қилган. Бу ҳақда Ташқи меҳнат миграцияси агентлиги хабар бермоқда.
Ушбу шахс 2018 йил декабрдан 2019 йил февралга қадар Ўзбекистон ва МДҲнинг бошқа давлатлари фуқароларини қалбаки миграцион карталар билан Россия ҳудудига ноқонуний олиб киришда айбланмоқда.