Кăлтăксăр ĕçленĕ
Кăçал Чăваш Енре ăшăтмалли тапхăрта 236 авари пулнă. Ку хисеп малтанхи çулпа танлаштарсан икĕ хут ытла сахалтарах. Аварисен тĕп сăлтавĕ – коммунналлă инфратытăм юхăннипе çыхăннă. Ăшă пăрăхĕсен 62 проценчĕ юрăхсăра тухнă. Пĕлтĕр ăшă тапхăрĕ авăн уйăхĕн 13-мĕшĕнче пуçланчĕ. Чăваш Республикин çурт-йĕр тата коммуналлă хуçалăх тытăмĕ кăлтăксăр ĕçлерĕ. Ăшă шыва чарни талăкран ытла пулман. Çитес ăшă тапхăрне çуркуннех хатĕрленме пуçлĕç. Çывăх вăхăтра объектсене тишкерĕç, ĕç йĕркине палăртĕç. Кăçал юхăннă 30 кăмака, 22 000 çухрăм ăшă пăрăхĕ, 34 000 çухрăм шыв пăрăхне улăштарма е тĕпрен юсама палăртаççĕ. Хатĕрлĕнӳ ĕçĕсене авăн уйăхĕн 15-мĕшĕччен вĕçлемелле. Ака уйăхĕн 8-17 мĕшĕсенче Чăваш патшалăх оперăпа балет театрĕнче пӗтӗм тӗнчери 26-мĕш балет фестивалӗ иртĕ. Фестиваль «ТИТАНиЯ» тата «Болеро» балетсемпе уçăлĕ. Вĕсене Мускаври паллă постановщиксем Софья Гайдукова тата Константин Матулевский хатĕрленĕ. СВЕТЛАНА КАЛИКОВА: «Чăваш Республикинче çуралса ӳснĕ паллă çынсене халалланă балет фестивальне – вăл Надежда Павлова, паллах, Светлана Ефремова. Мариинский теарта ĕçленĕ вăл пурнăç тăршшипех. Эпир аса илетпĕр Галина Васильева, Юрий Свинцов пирки, мĕншĕн тесен вĕсем тăрăшнипе Чăваш Республикинче балет пуçланса кайнă. Пĕрремĕш спектакльтен «Жизель». Кăçал 55 çул пулать». Пуш уйăхĕн 26-мĕшĕнчен театрта ятарлă шкул ĕçлет. Ăсталăх лаççине Пермь училищинчен килнĕ студентсем ирттереççĕ. Сăн ӳкерме вĕрентеççĕ, оператор ĕçне тишкерĕç. Ака уйăхĕн 17-мĕшĕнче балет фестивалĕ гала-концертпа вĕçленĕ. Фестиваль программине кӗртнӗ постановкӑсене "Пушкин карттипе" те курма пулать. Алексей Зотиков, Татьяна Молокова, Юрий Марков