Орел өлкәсе мөселманнары беренче ифтарын үзбәк диаспорасы оештырды
(Казан, 19 апрель, «Татар-информ»).16 апрель көнне Орел шәһәре мөселманнары гыйбадәт йортында быел беренче тапкыр күмәк ифтар уздырылды. Ифтар мәҗлесе үзбәк диаспорасы вәкилләре тарафыннан әзерләнгән. Бу хакта Россия мөселманнары Диния нәзарәте сайтында хәбәр ителә.
Үзбәк диаспорасы оештырган ифтар мәҗлесенә төрле милләт вәкилләре килгән.
Орел өлкәсе имам-мөхтәсибе Хәлид хәзрәт Расулов һәм Орел шәһәре имамы Камил хәзрәт Магомедов изге Рамазанның өстенлекләре һәм ифтарлар үткәрүнең рухи кыйммәтләре турында сөйләде.
Өлкәдә мәчетләр саны да арта бара. Быел ифтар уздыруда үз өлешләрен кертергә теләүчеләр саны да күбәйгән, диелә хәбәрдә.