Самара өлкәсенең «Дуслык» татар оешмасы рәисе киңәшчесе Идеал Галәветдинов вафат
(Казан, 22 март, «Татар-информ»). 21 март көнне СССР Кораллы көчләре полковнигы, танылган җәмәгать эшлеклесе, Самара өлкәсенең «Дуслык» татар оешмасы президенты киңәшчесе, күп санлы китаплар һәм мәкаләләр авторы, Татарстан Республикасының Нурлат шәһәренең Мактаулы гражданины Идеал Муса улы Галәветдинов 85нче яшендә бакыйлыкка күчте. Бу хакта Бөтендөнья татар конгрессы хәбәр итә.
Бөтендөнья татар конгрессы Идеал Галәветдинов вафат булу сәбәпле, мәрхүмнең туганнары һәм якыннарының тирән кайгысын уртаклаша.