Россия Хөкүмәте Дәүләт Думасына пенсияләрне индексацияләү турында төзәтмәләр кертте
(Казан, 17 гыйнвар, «Татар-информ»). Россия Хөкүмәте Дәүләт Думасына 2022 елда пенсияләрне 8,6 процентка индексацияләү турында төзәтмәләр кертте. «Россия Федерациясе Хөкүмәте Дәүләт Думасына Россиядәге пенсияләрне 2022 елның 1 гыйнварыннан 8,6 процентка индексацияләү турындагы төзәтмәләрне кертте», — дип яза РИА Новости. Әлеге документ Дәүләт Думасы мәгълүматларының электрон базасында урнаштырылган. 2022 елда индексацияләгәннән соң уртача пенсия күләме 18 мең 984 сумны тәшкил итәчәк. Картлык буенча иминият пенсияләре 2022 елның 1 гыйнварыннан 5,9 процентка арткан.