Россия «Биринчи канал»и ходимлари раҳбариятга қарши қўзғолон кўтариш ҳаракатида. Нега?..
Айтишларига қараганда, «Биринчи канал» ходимлари, аниқроғи, бошловчилар, журналистлар, муҳаррирлар олаётган маошидан норози бўлиб канал раҳбари Кирилл Клеймановга кўп бора шикоят қилишган. Аммо уларнинг шикоятлари кўриб чиқилмаган, маошлари оширилмаган.
— Биз «Россия» телеканали ходимларидан икки-уч ҳисса кам гонорар ва маош оляпмиз, — дейишмоқда улар. — Раҳбарлар арзимизга қулоқ тутишмаса, қўзғолон кўтарамиз, иш ташлаш эълон қиламиз. Ахир, бу адолатдан эмас! Студияга бир марта келиб кўрсатув ёки шоуда кўриниб кетадиганлар миллионлаб ҳақ олишади. Биз эса эрта-ю, кеч ишлаб арзимаган маош, гонорар оламиз…
Уларнинг гапида ҳам жон бор. Негаки, мисол келтиришларича, биргина актёр Армен Жигарханян хотини билан ажрашиши масаласида ташкил этилган кўрсатувга келиб кетиши «Биринчи канал»га 15 миллион рублга тушган экан.