Сәламәт яшәү көче

[img="http://sabantuy.net/uploads/images/default/1dfdfdq.jpg" border="0" vspace="4" hspace="4" width="198" height="141" align="Right"]1dfdfdq.jpg (28.08 Kb)[/img]Күп кирәк түгел кешегә Яшәү өчен сәламәт. Үләннәр ярдәм итәләр — Табигатькә зур рәхмәт. Сау-сәламәт яшәү өчен Тау, болыннар кичәбез, Аннан җыйган үләннәрдән Чәй кайнатып эчәбез. Бик файдалы яшелчәләр — Витаминнар күп анда. Кәеф яхшы булсын өчен, Йөгер син иртә таңда. Салкыннардан курыкмагыз, Кышын чаңгы шуыгыз. Иренмәгез, йөгерегез, Чирне ерак куыгыз. Табигатьтә һәрбер нәрсә Ярдәмгә килә безгә, Сау-сәламәт яшибез без Зур, матур илебездә. Спорт булсын юлдашың Кайбер кеше эш табалмый, Көнозын тик утыра. Табигатьтә, саф һавада Бер йөгерү ни тора?! Күп кешенең компьютердан Күзләре тиз бозыла. Юкса, футбол уйнап әзрәк, Бер ял итсәң, ни була?! Кышын салкыннардан курыкмый, Эх, бер чанада шусаң! Тимераякта,чаңгыда Шуып җибәр син, туңсаң... Җиләк-җимешләр файдалы, Сәламәт яшим дисәң, Начар гадәтләр нәрсәгә, Шаярып яши белсәң. Кешенең бит бар бәхете Бары тик үз кулында. Спорт булсын гел юлдашың Сәламәтлек юлында. Гөлназ РАМАЗАНОВА, 9нчы сыйныф. Саба, Түбән Шытсу. Табигатьне саклыйк! Туган ягым гүзәл табигатьле: Урманнары, болын-елгалар, Салкын сулы чишмә, биек таулар — Сокланырга безгә бар да бар. Тик кайвакыт шушы гүзәллеккә Без битараф булып калабыз. Пычратабыз аны, рәнҗетәбез, Матурлыкка таплар салабыз. Тапланмасын иде бу табигать, Җәберләүгә аны юл куймыйк! Агачларны кисмик, чәчәк өзмик — Җиребезгә шәфкатьле булыйк! Данис БУЛАТОВ. Кама Тамагы, Иске Казиле. Кышкы уйлар Салкын бит ул кыш көне, Тик карлар гына уйный. Энҗеләре җиргә төшеп, Балалар белән уйный. Кышкы серле бизәкләрне Күзәтәм күз талганчы. Күңелемә җыеп барам, Күземнән югалганчы. Матурлык күбәйтер идем, Дөньяны саклар өчен. Бар җиһанны бизәр идем, Җитсә әгәр минем көчем. Фирүзә ФАЗЛЫЕВА, 11нче сыйныф. Мөслим, Тат.Бүләр мәктәбе. Табигать авазы Табигать безне ярата, Җиләк-җимеш ашата. Нәни бәби вакытта Тал бишектә йоклата. Кеше моны аңламый, Нигәдер зыян сала. Урман кими, сулар кибә, Киләчәккә ни кала? Киекләрне аулый ул, Бөҗәкләрне дә тота, Кош ояларын тузгыта, Йомыркаларын вата. Ә табигать моны күреп, Әйтә кебек сыкрап: «Әй, кеше,тыңлачы мине, Байлыгымны тот саклап!» Булат САБИРҖАНОВ. Буа, Аксу. Урманым Ямьле минем туган ягым, Матур аның урманнары. Шул урманда шаулап үсә Нарат, чыршы, каеннары. Йөрим шулай урман буйлап, Төрле матур уйлар уйлап. Һәммәбезне шатландырсын Яшел урман шаулавы. Шул урманда һич тынмасын Сандугачлар сайравы! Гөлинә ХӘЛИУЛЛИНА, 7нче сыйныф. Әлки, Иске Салман. РӘХӘТ ТӘ СОҢ ТАУДАН ШУУЛАРЫ... Саша ЗАРАЙСКИЙ рәсеме. Казан, 111нче мәктәп, 6нчы Гсыйныфы укучысы.