Казанда зур юл-транспорт һәлакәте аркасында зур бөке хасил булган
(Казан, 15 март, «Татар-информ», Павел Климчак). «Татар-информ» хәбәрчесе Казанның Горький шоссесында Можайский урамы чаты янында Mitsubishi һәм ике KIA машинасы катнашында юл һәлакәтен видеога төшергән.
Авария сәбәпле, юлның бу өлешендә зур бөке хасил булган, чөнки һәлакәткә очраган машиналар берьюлы берничә полосада хәрәкәтне чикләгән.
«Яндекс.Пробки» сервисы буенча, Казанга керү юлында бөке Аккош күленнән башлана. Гомумән бүген шәһәрдә бөке 8 балл белән бәяләнә.
Горький шоссесыннан тыш, Декабристлар, Ершов, Мамадыш тракты, шулай ук шәһәр үзәгендә бөкеләр күзәтелә.