Әлмәт малайлары сынатмады
Әлмәт укучылары судно модельләре спорты буенча ярышларда катнаштылар.
Мәскәү янында «Воздвиженское» парк-отелендә узган ярышларда безнекеләр сынатмады. Кострома, Ленинград, Мәскәү, Липецк, Брянск, Мурманск өлкәләреннән, Екатеринбургтан һәм Татарстаннан килгән малайлар арасында әлмәтлеләр яхшы нәтиҗә күрсәтте: Руслан Шәрәфетдинов - «Хәрби корабльләр» классында 1 нче урын, Айдар Хәбибуллин «Радио белән идарә ителә торган корабльләр» классында 3 нче урын, Наил Зыятдинов – шул ук класста 4 нче урын, Даниил Максимов – 5 нче урын. Команда 5 нче урынга чыккан.