Казанда метро төзелеше сәбәпле, Сахаров урамында хәрәкәт чикләнә
(Казан, 10 гыйнвар, «Татар-информ»). Иртәгәдән башлап Казанда Сахаров урамында хәрәкәт чикләнә. Бу чара 18 февральгә кадәр гамәлдә булачак.
Чикләүләр Сахаров урамындагы 1нче йорт янында, шулай ук Зәкиев урамындагы 39нчы йорт янында гамәлдә булачак. Бу хакта Татарстан башкаласы мәриясенең матбугат хезмәте хәбәр итә.
Бу чикләү чарасы метроның икенче линиясенең беренче участогын төзү территориясеннән суүткәргеч челтәрләрен алып чыгу сәбәпле кабул ителгән.