DeepSeek сунъий интеллект соҳасида 45 миллиард долларлик баҳога эришмоқда

Хитойнинг яримўтказгичлар саноатидаги энг йирик давлат инвестиция фонди бўлган Чина Интегратед Сирcуит Индустрй Инвестмент Фунд компанияси DeepSeek стартапига сармоя киритиш бўйича музокаралар олиб бормоқда. Financial Times нашрининг хабар беришича, ушбу молиялаштириш раунди натижасида сунъий интеллект лабораториясининг қиймати 45 миллиард долларга етиши мумкин. Бу ҳақда Ixbt.kom хабар беради.

Аввалроқ, 2026-йилнинг апрель ойида DeepSeek камида 300 миллион доллар маблағ жалб қилиш бўйича музокаралар олиб бораётгани маълум бўлган эди. Ўша вақтда Тенcент ва Алибаба каби технология гигантлари компанияни 20 миллиард долларга баҳолаган ҳолда инвестиция киритишни режалаштирган эди.

DeepSeek — бу очиқ кодли йирик тил моделлари (LLM) оиласини ишлаб чиқувчи Хитой компанияси ҳисобланади. У ChatGPT ва бошқа машҳур моделларга рақобатчи сифатида майдонга чиққан бўлиб, айниқса, моделларни ўқитишдаги камроқ харажатлари билан ажралиб туради.

Компаниянинг сунъий интеллект технологиялари матн яратиш, дастурлаш кодларини ёзиш, мураккаб мантиқий масалаларни ечиш ва тасвирлар генерация қилиш имкониятига эга. Ушбу янги инвестиция босқичи DeepSeek компаниясининг глобал сунъий интеллект бозоридаги мавқеини янада мустаҳкамлашига хизмат қилади.