Пентагон: АҚШнинг Украинага берган ҳарбий ёрдами 2 млрд доллардан ошди — Бизга қўшилинг: ???? https://t.me/joinchat/AAAAADwt0NGCRoONT4f1_Q

Пентагон раҳбари Ллойд Остин АҚШнинг Украинага берган ҳарбий ёрдамининг умумий миқдори 2 миллиард доллардан ошганини айтди. Ўтган ҳафтанинг ўзида Украина АҚШдан 1 миллиард доллар миқдоридаги ҳарбий ёрдам олган бўлиши керак. «Охирги икки ҳафта ичида биз Украинага 300 миллион доллардан ортиқ қийматдаги ҳарбий техника етказиб бердик, яқинда президент яна 800 миллион долларлик ҳарбий ёрдам пакетини имзолади. Умуман олганда, Украинага хавфсизлик бўйича кўрсатаётган ёрдамимиз 2 миллиард доллардан ошади», — деди Пентагон раҳбари CBS телеканалига берган интервьюсида. Унинг тушунтиришича, 2014 йилдан бери Украинада ҳарбийларга АҚШ қуролларидан фойдаланишни ўргатиб келган америкалик ҳарбий инструкторлар бор эди. Аввалроқ АҚШ президенти Жо Байден айтганидек, Қўшма Штатлар Украинани ҳаво ҳужумидан мудофаа тизимлари, танкка қарши қуроллар, ўқ-дорилар, учувчисиз самолётлар ва ўқ-дорилар билан таъминламоқда. Етказиб бериш бир ёки икки кунда бир марта амалга оширилмоқда, деган Оқ уй матбуот котиби Жен Псаки. Унинг сўзларига кўра, ҳаво ҳужумидан мудофаа тизимларини етказиб бериш бўйича музокаралар ушбу тизимларнинг жойлашган жойини ошкор қилмаслик учун сир сақланади. The New York Times’нинг ҳисоб-китобларига кўра, 2022 йилда АҚШнинг Украинага умумий ҳарбий ёрдами 3,5 миллиард долларни ташкил қилмоқда.