IIHF Россия ва Беларусни халқаро хоккей мусобақаларидан четлатди
![IIHF Россия ва Беларусни халқаро хоккей мусобақаларидан четлатди](https://gdb.rferl.org/60BA9122-AF3F-4925-8EC3-A4C683AC86FB_w800_h450.jpg)
Халқаро муз устида хоккей федерацияси - IIHF Россия ва Беларуснинг “ҳар бир ёш тоифасидаги” терма жамоалари ва клубларини "кейинги огоҳлантиришгача" мусобақаларидан четлатди.
Шунингдек, IIHF Новосибирск ва Омск шаҳарларида 2023 йили ўтказилиши режаланган ўсмирлар ўртасидаги хоккей бўйича жаҳон чемпионатига мезбонлик қилиш ҳуқуқини ҳам Россиядан олиб қўйди.
Халқаро муз устида хоккей федерацияси Россия Украинага бостириб кирганидан қарийб бир ҳафта ўтиб шундай қарор олганини маълум қилди.
Россия президенти Владимир Путин ҳам Беларус раҳбари Александр Лукашенко ҳам муз устида хоккей спортининг ашаддий ишқибози саналади.
Хоккей бўйича Россия терма жамоасининг асосий хомийси эса Путиннинг яқин дўсти Роман Ротенбердир.