Россия ва Япония кемаларининг тўқнашуви оқибатида уч киши ҳалок бўлди
Охотск денгизининг Хоккайдо оролларига яқин қисмида Россия ва Япония кемаларининг тўқнашуви оқибатида япониялик уч денгизчи ҳалок бўлди.
Kyodo агентлигининг билдиришича, тўқнашув Момбецу бандаргоҳидан 23 километр узоқликда, денгизнинг Япония ҳудуди ҳисобланувчи қисмида содир бўлди.
Япониянинг оғирлиги 10 тоннага яқин бўлган кемаси Охотск денгизида денгиз қисқичбақаларини овлаш билан машғул бўлган. Япон кемасига Россиянинг 662 тонналик “Амур” юк ташувчи кемаси келиб урилган.
Тўқнашув оқибатида япон кемаси ағадарилиб кетган. Россия денгизчилари сувдан беш японияликни олиб чиққан. Улардан уч нафари ўлик бўлган.
Дастлабки текширув натижаларига қараганда, тўқнашув оғир об-ҳаво шароити оқибатида кўриш имконияти чеклангани ортидан содир бўлган.