Қозоғистонда COVID-19дан камида 3856 киши, ковиднамо зотилжамдан 3349 киши вафот этди
Беморларнинг асосий қисми Олмаота, Қарағанда, Ақмўла ва пойтахт Нур-Султонда аниқланмоқда.
Пандемия бошланганидан бери мамлакатда коронавирус ва ковиднамо зотилжамга чалинганлар сони 378 311 кишига етди.
Қозоғистон Соғлиқни сақлаш вазирлиги коронавирус ва ковиднамо зотилжам статистикасини алоҳида-алоҳида олиб бормоқда. Ковиднамо зотилжамга чалинганлар сони 54 837 киши бўлиб, улардан 3349 нафари вафот этган. COVID-19дан ўлганлар сони эса камида 3856 киши.
26 май ҳолатига кўра. Қозоғистонда коронавирусга қарши бир доза эмаланганлар сони 2 миллион 35 минг кишидан ошди, икки доза эмланганлар сони 1 миллионга яқинлашди.
АҚШнинг Жонс Хопкинс университети статистикасида билдирилишича, жаҳонда коронавирусга чалинганлар сони 167 миллион кишидан ошди. Вирусдан 3 миллион 481 минг киши вафот этди.