Ливияда уч россиялик ва бир украиналик асирликдан озод этилди
2 январь куни «Анъанавий қадриятларни ҳимоя қилиш жамғармаси» раҳбари Александр Малькевич Telegram мессенжерида ушбу тўрт шахс бир неча ҳафта олдин «ўғирлаб кетилганини» айтди, аммо улар нима учун Ливияга боргани ёки уларни ким асир олгани ҳақида маълумот бермади.
Жамғарма ўзини «фаолияти Россия Федерациясининг миллий манфаатларини ҳимоя қилишга қаратилган нотижорат ташкилот» дея таърифлайди.
Москва Ливия пойтахти Триполида БМТ тан олган Миллий муроса ҳукуматига қарши курашаётган ёлланма аскарларни қўллаб-қувватлашда айбланмоқда. Муроса ҳукумати Бирлашган Араб Амирликлари, Россия ва Миср дастаклаётган Халифа Ҳафтар кучларига қарши курашмоқда.
Vagner Group ширкатини россиялик бизнесмен, президент Владимир Путиннинг яқин ҳамкори Евгений Пригожин бошқариши айтилади.
Октябрь ойида Европа Иттифоқи ва Британия Россиянинг Ливия фуқаролик урушидаги ролига жавобан Пригожинга қарши санкция жорий қилган эди.