САМАРҚАНДДАГИ ТИББИЙ МАРКАЗДА ВРАЧ, ҚОРОВУЛ ВА МИЖОЗ ЎРТАСИДА МУШТЛАШУВ КУЗАТИЛДИ… (ВИДЕО)
Ўзбекистон республикаси ички ишлар вазирлиги қошидаги тергов департаменти ҳужжатларида қайд этилишича, шу йил 3 июль куни 26 ёшли фуқаро Х. К. Самарқанд шаҳридаги кўп профилли тиббий марказга шахсий автомобилида келиб, қоровулдан ичкарига киритишни талаб қилган. Унинг гапига кўра, отаси шу марказда даволанган ва уни уйга олиб кетиш учун келган. Аммо 20 ёшли қоровул Ф. М. кириш мумкин эмаслигини, карантин тааблари бунга йўл бермаслигини айтган. Шу орада марказ врачи келган. Натижа шундай бўлганки, фуқаро, қоровул ва врач муштлашиб кетган. Муштлашув давомида фуқаро Х. К. врачга ва қоровулга жиддий тан жароҳатлари етказибди. Улар касалхонага ётқизилган. Ушбу факт юзасидан Самарқанд шаҳар ички ишлар бўлими жиноят иши очган. Лекин масаланинг бошқа тарафи ҳам бор. Қоровул ва врач ҳам биргаликда фуқаро Х. К. га жиддий тан жароҳатлари етказган. Ҳуқуқни муҳофаза қилиш ташкилоти вакиллари айтишдики, жиноят ишини кўриб чиқиш жараёнида бу ҳам албатта инобатга олинади.