"Металлург" бош мураббийи: "Андижон"нинг ўйинидан кўнглим тўлмади — Бизга қўшилинг: ???? https://t.me/joinchat/AAAAADwt0NGCRoONT4f1_Q

Ўзбекистон Coca Cola Суперлигаси 5 турининг сўнгги кун баҳсларидан ўрин олган «Андижон» ва «Металлург» жамоалари ўртасидаги баҳсдан кейин бекободликлар бош мураббийи Андрей Шипилов ўйин ҳақидаги фикрларини билдириб ўтди: «Катта танаффусдан сўнг яхши қайтишни амалга ошира олдик. Иккала жамоа ҳам ажойиб ўйнади. Бироқ баъзи вазиятларда биз омадлироқ чиқдик ва айнан мана шу ўйин тақдирини ҳал қилди. Ўйиндан аввал майдонда машғулот ўтказиб олганимиз фойда берди. Стадион майсаси жуда ўсиб кетган ва шу сабабдан тўп ҳаттоки 10 метрга бориши ҳам қийин. Биринчи таймда ўзимиз хоҳлаган ўйинни намойиш этдик. Иккинчи бўлимда эса, асосан, натижани сақлаб қолишга ҳаракат қилдик. «Локомотив» устидан қозонилган ғалабадан сўнг мухлисларимиз биздан яна кучли ўйин кутишлари табиий ва биз ишончни оқладик, деб ўйлайман. 3 йилдан буён ушбу клубда фаолият олиб бораман. Буй ил жамоамизда яхши футболчилар жам бўлишган. 3 йил аввалги ёш йигитлар бугун тажрибали футболчига айланган. Биз андижонликларнинг «Бухоро» ва «Машъал»га қарши кечган учрашувларини кўриб чиқдик. Аммо бугунги ўйин ҳақида «Андижон» мураббийининг ўзи изоҳ бергани маъқул. Андижон менга бегона шаҳар эмас. Жамоа мен учун доим қизиқ бўлиб келган. Кичик симпатиям нуқтайи назаридан айтадиган бўлсам, бугунги ўйинда андижонликларнинг ҳаракатидан қониқмадим», - дейди Шипилов.