КЎР КЎЗНИНГ ОЧИЛИШИ… (ёхуд польшалик эркакка автоҳалокат фойда берди)
Польшада яшовчи Януш Горай исмли эркак бундан 20 йил олдин аллергик хасталикка чалиниб кўриш бахтидан маҳрум бўлганди. Яқинда серқатнов йўлнинг пиёдалар ўтиш жойидан қарама-қарши тарафга ўтаётганда, уни машина уриб кетди. Оқибатда сон суяги синиб касалхонага тушди. Икки ҳафта касалхонада ётиб даволанди. Шундай кунларнинг бирида дафъатан кўзлари кўра бошлади. Яна унинг жароҳати тез кунда битиб ҳам кетди.
Врачларнинг айтишича, у аллергик хасталикка чалинганда, ҳамширалар адашиб унга бошқа укол қилиб қўйган. Шу нарса эркакни кўриш бахтидан маҳрум этган.
Машина урган маҳал эса аввал боши билан капотга қаттиқ урилибди. Кейин яна боши билан асфальтга урилган. Лекин барибир врачлар кўзлари очилиб кетишининг туб сабабини аниқлай олишмади. Януш Горай эса тузалиб чиққандан кейин ҳам касалхона билан бутунлай хайрлашишни истамади. Шу ерга қоровул бўлиб ишга жойлашди.
Бу ҳам Оллоҳнинг каромати-да!
Алҳамдилилло!