Ўйлаб кўрдингизми? 2020 йил 3 феврал куни юлдузлар сизга нималарни ваъда қиларкин?
ҚЎЙ (21. 03 — 20. 04)
Рўзғорингизда муаммолар шу қадар кўпайганки, уларни бартараф этиш жараёнида вақтида ҳаракат қилмаганингиздан пушаймонлар чекасиз. Молия соҳасида омадингиз чопади. Иш жойингизда мукофот пули тарқатишлари мумкин. Пулларингизни яхши кунлар учун сақлаб қўйинг. Кечқурун тоза ҳавода сайр қилинг. Саломатликни ҳамиша биринчи ўринга қўйишингиз тавсия этилади.
БУЗОҚ (21. 04 — 20. 05)
3 феврал куни бошингиздан кечадиган барча вазиятлар назоратда ушланади. Ҳатто, ижодкорларнинг асар яратиш жараёни ҳам назоратдан четда қолмайди. Шубҳасиз, назоратчи бу вақтдир. Айнан унинг етагида фаолликни қўлдан бермайсиз. Агар лоқайд муносабатда бўлсангиз, саломатлигингиз панд бериши эҳтимолдан холи эмас. Қорнингиз очган тақдирда ҳам дуч келган таомни еб ташлайверишингиз тавсия қилинмайди.
ЭГИЗАКЛАР (21. 05 — 21. 06)
Эгизаклар буржида таваллуд топганларнинг баъзилари ишхонасида раҳбарлар кўзига кўринмай турганлари маъқул. Айтилган ишни вақтида бажармагансиз. Бунинг учун гап эшитишингиз тайин. Кун давомида энг асосий ишларгагина қўл уринг. Тадбиркорларнинг молиявий муаммоларини ҳуқуқшунослар бартараф этиши керак. Шунда даромад келиши тезлашади. Ортиқча бош оғриқлар кўзга ташланмайди. Кечқурун ухлашга ётишдан олдин оғир ҳазм бўлувчи таомлар емаслигингиз сўралади.
ҚИСҚИЧБАҚА (22. 06 — 22. 07)
3 февралда жуфтингиз билан муносабатларингизда жиддий тўсиқлар пайдо бўлиши мумкин. Бу сизнинг айбингиз дейилса тўғрироқ бўлади. Кимлардир кредитга уй олган бўлса, бугун шу масала билан боғлиқ майда кўнгилсизликлар юзага келиши кутилади. Кун давомида шамоллаб қолишингиз эҳтимоли бор. Шунинг учун одам кўп тўпланадиган жойлардан ўзингизни олиб қочинг. Кечқурун дўстларингиздан бири сиз билан суҳбат қуриш илинжида уйингизга келиши мумкин.
АРСЛОН (23. 07 — 23. 08)
Кимлардир муҳим мавзуларда янги ғоялар ўйлаб топиб, уларни сотишга ҳам муяссар бўлиши мумкин. Шу кунга қадар масаланинг бу жиҳатларидан буткул бехабар эдингиз. Баҳонада пул топишнинг яна бир янги усулини ўзлаштириб оласиз. Муҳаббатда тушкун кайфиятлар қалбингизни чирмаб олади. Жуфтингиз ёки бўлғуси жуфтингиз билан орангизда жанжал келиб чиқса керак. Олдини олинг. Оллоҳ сизга ёр бўлсин!
ПАРИЗОД (24. 08 — 22. 09)
3 феврал куни оқимга қарши сузишга, шамолга қарши чопишга ошифта бўласиз. Лекин бу амаллар сизга фақат зиён етказади. Ички оламингизни, руҳий аҳволингизни тартибга солмасангиз бўлмайди. Молияда ҳар бир тийинни ҳисоб-китобда ушлашингиз талаб этилади. Айниқса, яқинда шахсий бизнесини очган дўстларимиз бўлса, катта ишларга пул тикишдан тийилишлари лозим. Сизни ҳамкорман, шерикман деганлар чув тушириб кетиши ҳақиқатга яқин.
ТАРОЗИ (23. 09 — 23. 10)
Агар анчадан бери шахсий ҳаётингизга янада ёрқинроқ тус бериш ниятида юрган бўлсангиз, бугун ўша вақт етди. Кун давомида муҳаббатда, ишда ва шахсий ҳаётда ҳам омадингиз келади. Бошингиздан бир олам ёқимли лаҳзаларни кечирасиз иншооллоҳ. Фақат мағрурланиб кетмасангиз бас. Янги жамоага ишга борганлар қаҳрамонлик кўрсатишга шошилмасинлар. Вақт келар, ўшанда сиз истаганча қаҳрамонликлар кўрсатиш имконига эга чиқасиз. Омад сизга ёр бўлсин!
ЧАЁН (24. 10 — 22. 11)
3 февралда сизга меҳр, эътибор етишмаётгандек туюлаверади. Илгари ҳеч қачон бундай аҳволга тушмагандингиз. Бугун эса худди ёш бола каби меҳр истай бошлайсиз. Иш жараёнингиз ҳар қачонгидек меъёрда бўлади. Раҳбарлар зиммангизга янги вазифаларни ҳам топширишади. Фақат янги вазифаларни яхшилаб ўрганиб чиқишни унутманг. Акс ҳолда кейин ўзингиз уялиб қолишингиз мумкин. Кўчага ҳавонинг авзойига қараб кийинган ҳолатда чиқишингиз тавсия этилади.
ЎҚОТАР (23. 11 — 21. 12)
Эрталабдан табиат қўйнига чиқиб кетиб дам олсангиз, фойдадан холи бўлмасди. Балиқ овлаш ҳам асабларингизни тинчлантиради. Сизга янги куч бағишлайди. Иш эса қочиб кетмайди. Қайтгандан кейин катта куч билан ишга шўнғийверасиз. Муҳаббатда айримлар олқишлар ҳамда совға-саломларга кўмилиши кутилмоқда. Айниқса, ёлғизларнинг куни туғади. Баъзилар тўй бошлаб юбориши ҳам ҳеч гап эмас. Қанийди шундай бўлса! Бахт сизга ёр бўлсин!
ТОҒ ЭЧКИСИ (22. 12 — 19. 01)
3 феврал куни вақтингизни уйда эмас, албатта ишда ёки ўқишда ўтказасиз. Офисда кечга қадар ўтириб қолишингиз ҳам шарт эмас. Хизмат сафарига бориш учун раҳбарлардан рухсат сўранг. Моддий манфаат кўрасиз. Йўқ ердан муаммо чиқаришга уринманг. Кўпроқ ҳаракатда бўлинг. Ишда профессионаллигингизни яна бир карра текшириб кўришни истаб қолишлари мумкин. Намойиш этинг. Истеъдодингизни кўз-кўз қилинг.
ҚОВҒА (20. 01 — 18. 02)
Афсуски, бугун эрталаб кайфиятингиз тушкун ҳолатда бўлиши мумкин. Шунинг оқибатида ишларингизда ҳам унум кўзга ташлана қолмайди. Ҳадеганда ўзингизни бошқаларга қийналган қилиб кўрсатманг. Сиқилманг. Тақдирдан нолиманг. Тақдирингизни ўз кучингиз билан ижобий тарафга ўзгартириш пайида бўлинг. Худодан бахт, саодат, соғлиқ сўранг. Албатта беради. Бугун олис сафарга чиқишдан воз кечишингизга тўғри келади. Ҳавонинг авзойи бунга йўл бермайди.
БАЛИҚ (19. 02 — 20. 03)
3 февралда кун мобайнида дўконма-дўкон, бозорма-бозор югуришингизга тўғри келади. Аммо муҳим ишлар кутиб туришини ҳам ёддан чиқарманг. Профессионал касбингиз билан боғлиқ ишингиз бўйича олис келажак режаларни тузиш муваффақиятли кечади. Сиз ажойиб режаларни ўйлаб топа биласиз. Агар уларни босқичма-босқич ҳаётга тадбиқ эта борсангиз, ишхонангизда обрўйингиз юқорилаши аниқ.
Хушвақт бўлинг! Ҳаммавақт бўлинг!
Олимжон ҲАЙИТ тайёрлади