БИ-ИР КУЛИШМАЙМИЗМИ?..
* * *
— Тошматвой, даданг қанча маош олади?
— Икки юз минг сўм.
— Уйга қанчасини олиб келади?
— Саксон минг.
— Нима бало, математикани билмайсанми?
— Йўқ, сиз менинг дадамни билмайсиз.
* * *
— Нега сен шунчалар эринчоқ, дангаса хотин билан яшаяпсан?
— Бошқасини топишга эринаман!
* * *
Аёл дугонасига деди:
— Эрим айтганки, агар унга яна хиёнат қилсам, ўзини ўзи осиб қўяркан. Ўшандан бери унга яширинча хиёнат қилиб келяпман ва адашмасам, уни эллик марта ўлимдан асраб қолдим.
* * *
Жуҳуд шеригига деди:
— Юр, кафега кириб овқатланамиз!
— Гап йўқ. Пулини ким тўлайди?
— Пулиними? Унда бундай қиламиз. Ҳов анави фаввора сувига баравар бошимизни тиқамиз. Ким олдин сувдан бошини кўтарса, ўша тўлайди…
Эртасига газеталарда шундай эълон пайдо бўлди: «Кеча шаҳардаги фавворалардан бирига икки жуҳуд йигити чўкиб кетиш натижасида ҳалок бўлди».
* * *
Муаллима:
— Ўқувчилар! Ҳеч қачон жониворларни ўпманглар! Бу нарса турли касалликларга сабаб бўлиши мумкин. Хўш, шунга ким яққол мисол келтира олади.
Эшмат:
— Мен!
— Қани, келтир-чи!
— Холамнинг тўтиқуши бор эди. Холам ҳар куни уни эркалаб ўпарди.
— Кейин-чи?
— Охири тўтиқуш жинни бўлиб қолди.
* * *
Автодўкон эшиги тепасидаги эълондан:
— Ҳар бир «Ласетти» сотиб олган одамга совға сифатида бир шишадан лимонад тақдим этилади.
* * *
Эркак судьяга деди:
— Мен хотиним билан ажрашишни хоҳлайман.
— Нима сабабдан?
— Илгари ишдан келсам, ҳовлидаги итимиз ҳуриб менга салом берарди. Хотиним эса дарров қўлимдан сумкамни оларди. Энди эса ҳаммаси аксинча бўлаяпти.
* * *
Йигит севган қизига деди:
— Юр, кинога тушамиз!
— Э, яхшиси бизникига бора қолайлик!
— Сеникида нима бор? Барибир, телевизоринг бузуқ-ку!
* * *
Аёл дугонасига деди:
— Кеча менга бир лўли хотин учради. Унинг айтишича, тўрт фарзандли бўларканман. Лекин биринчи фарзандим хунук, иккинчиси пиёниста, учинчиси ўғри бўлармиш. Фақат тўртинчи фарзандимгина рисоладагидек бўларкан.
— Вой, унда бирдан тўртинчисини туғиб қўяқол!
* * *
Болакай бувисига деди:
— Бувижон, менга минг сўм бериб туринг! Пенсиядан қайтараман!
— Ие, бу нима деганинг? Сен пенсияга чиққунингча мен аллақачон оламдан ўтиб кетаман-ку!
— Э, мен сизнинг пенсиянгизни назарда тутаяпман.
* * *
Янги бой Швейцария банкига борди-да, ходималардан бирига деди:
— Мен банкингизга пул қўймоқчи эдим.
— Қанча?
Янги ўзбек ходиманинг қулоғига шивирлади:
— Уч миллион доллар.
Ходима:
— Баландроқ овозда гапираверинг! Бизда камбағаллик айб ҳисобланмайди.