"Ирқчилик"ги учун танқид қилинган Трампга қарши импичмент жараёнини бошлашга оид резолюция рад этилди
АҚШ Конгрессига Техасдан сайланган демократнинг президент Трампни лавозимидан четлатиш жараёнини бошлашга уриниши Конгресс аъзоларининг кўпчилиги бундай резолюцияга қарши овоз бериши оқибатида рад этилди.
Мавжуд қоидаларга биноан, муайян вазиятларда резолюция лойиҳасини овоз қўйиш учун парламентнинг бир аъзоси сўрови ҳам етарли бўлади. Шу меъёрдан келиб чиқиб, демократ Ал Грин Трампнинг куни кечаги твити ортидан чиққан жанжал ортидан президентга импичмент эълон қилиш жараёнини бошлаш тўғрисидаги резолюцияни овозга қўймоқчи бўлди.
Трампнинг твитида бир қатор конгрессменлар ирқчилик аломатларини кўрганини айтиб чиқди ва сешанба куни Намояндалар палатаси президентнинг Твиттердаги баёнотини қораловчи резолюцияни маъқуллади.
Гринга кўра, сешанба кунги резолюция билан президент ўзининг “ирқчилиги” учун жазоланмади, импичмент эълон қилиш жараёнини бошлаш тўғрисидаги резолюцияни овозга қўйиш эса, уни жазолаш имконини беради.