Copa America-2019. Месси қаторасига бешинчи қитъа биринчилигида муваффақиятсизликка учради (+фото ва видео)

Copa America-2019нинг ярим финал илк баҳсида мезбон Бразилия терма жамоаси Аргенина билан тўқнаш келди.

Учрашувда ҳисоб 19 дақиқада Габриэл Жезус томонидан очилди. Иккинчи бўлимнинг ўрталарида эса Роберто Фирмино орадаги фарқни ошириб, якуний ҳисобни белгилади ва “пентакампеонлар “ ўз тарихларида 20 маротаба қитъа биринчилигининг финалига йўлланма олишди.

Қайд этиш жоизки, Аргентина сардори Лионель Месси қаторасига бешинчи маротаба Copa America мусобақасида титулни қўлга кирита олмади. У терма билан 2007, 2015 ва 2016 йилларда кумуш медалга эга чиққан бўлса, 2011 йилда эса чорак финалдаёқ иштирокини якунлаганди.

Бразилиянинг финалдаги рақиби Тошкент вақти билан 4 июль, тонгги 05:30да бўлиб ўтадиган Чили ҳамда Перу учрашувидан сўнг маълум бўлади. Аргентина эса ярим финалнинг иккинчи жуфтлигида мағлуб бўлган жамоа билан бронза медаллари учун кураш олиб боради. Мазкур баҳс 7 июль, тонгги 04:00га белгиланган.

Бразилия – Аргентина 2:0 (1:0, 1:0)

«Минейрао» стадиони.

Голлар: 1:0 – 19 Габриел Жезус, 2:0 – 71 Фирмино.

Бразилия – Алиссон, Дани Алвес, Маркинёс (Миранда, 64), Тиаго Силва, Алекс Сандро, Артур, Каземиро, Габриел Жезус (Аллан, 80), Коутинё, Эвертон (Виллиан, 46), Фирмино.

Аргентина – Армани, Фойт, Песселя, Отаменди, Таляфико (Дибала, 85), Паредес, де Паул (Ло Челсо, 67), Акуня (Ди Мария, 59), Месси, Мартинес, Агуэро.

Огоҳлантиришлар: Таляфико (9), Акуня (40), Дани Алвес (40), Фойт (56), Мартинес (58), Аллан (82), Агуэро (90).