Россиялик хонанда Татьяна Терешинанинг 1 ой яшаши учун 100 минг рубл етмас эмиш…
«Hi-Fi» гуруҳи собиқ хонандаси Татьяна Терешина журналистларга берган интервьюсида бир ой яшаши учун унга 100 минг рубл етмаслигини айтиб ўтганди. Айтди-ю, балога қолди. Интернет сайтларида хонанданинг шаънига турли ҳақоратлар, танқидий фикрлар ёғила бошлади.
— Одамлар Россияда уч минг рубл маош билан қандай яшаяпти? — дейилади шундай фикрлардан бирининг муаллифи. — Кўпчилик бир ой итдек ишлаб атиги 15 минг рубл маош олади. Улар оиласини қандай боқяпти? Ўша одамлар қандай яшаши керак?..
Терешина ўзини оқлаш учун кўп мисолларни келтириб ўтди. Кейин эса ўз харажатларига тўхталди. Айтишича, бир ойда 20 минг рубл бемор онасининг бир ойлик дорилари учун сарфланаркан. 40 минг рубл автомобилининг бензинига кетади.
— Тўғри, — деди хонанда. — Кулбаи вайронага қамалиб олганча бир ой яшаш мумкин. Дам олиш учун ҳеч қаерга борманг. Ҳовлидаги синиқ курсида ўтириб дам олаверинг. Шундай ҳолатда ҳам умр ўтаверади. Бироқ мен шундай яшаш учун хонандаликни танламаганман ва бекорга Москвага кўчиб келмаганман.