Баҳс: Lada Vesta зўрми ёки Lacetti?
Танишинг: икки дўст Аҳмад ва Раҳмат. Аҳмад “Ласетти”ни, Раҳмат эса “Лада Веста”ни ёқтиради. Сиз-чи? Танлашга қийналяпсизми? Биз улардан маслаҳат сўрадик. Келинг унда баҳсни кузатинг.
Аҳмад: “Ласетти” яхши, албатта. Синовдан ўтган, запчасти ҳамма ерда бор, қидирсанг топилади. Ўзимизнинг миллий машина.
Раҳмат: “Лада Веста”га тенг келмайди. Энг яхши машина бу янги машинадир. “Веста” 3, “Ласетти” 15 йиллик машина.
Аҳмад: “Лада Веста” бу аввалги “Жигули”. Фақат дизайни ўзгартирилган.
Раҳмат: Веста кўп параметрлари ва характеристикаси бўйича “Ласетти” ва “Жентра”дан анчагина яхши. Масалан, Вестада 1,6 ва 1,8 мотор, аэродинамикасиям яхши, дизайн, магнитола, мултирул, олди+орқа иситкич, табло, ЭРО-ГЛОНАСС, АВС, салон кенглиги, ёмғир ва нур датчиги, противатуманка, Р16 литий диск, кузовининг сифати ҳам аъло.
Аҳмад: “Веста” олти ойдан кейин тарақ-туруқ қилиб ишкал чиқара бошлайди. GM машиналаридан қолманг. “Лада” машиналарини олманг.
Раҳмат: “Веста” Россия йўлларга мўлжаллаб чиқарилган, Ўзбекистон йўлларига ҳам жуда-жуда мос келиши турган гап.
Аҳмад: “Ласетти” вақт синовидан ўтган машина. Масалан, москваликлар “Жентра”ни “Веста”дан яхшироқ ҳисоблайди.
Раҳмат: Бунга сабаб GMнинг импорт варианти сифатлироқ чиқиши. GM Uzbekistan ўз машиналарига 10 йиллик двигателларни жойлайди. Ҳалиям бўлса, “Веста” олинг - развалга кирмайсиз, эшикларининг регулировкаси зўр.
Аҳмад: Салони бир қарашда қулайга ўхшайди, аммо “Веста”ни куни билан ҳайдасангиз, чарчатиб қўяди. “Ласетти”ни эса қанча ҳайдаманг, чарчамайсиз.
Раҳмат: GM олсангиз аввал развал қиласиз, эшикларини регулировка қиласиз, “шумка” қиласиз, сифати паст барибир.
Аҳмад: “Веста” харид қилинг ва ҳар куни водийга такси қилиб одам ташинг. Бир йилда аҳволини кўрамиз.
Раҳмат: “Веста” шаҳар ичида юзга саккиз литр сарфлайди. Тўқнашув тестидан тўрт юлдузча олган. “Ласетти”нгиз краш-тестдан ўтганми ўзи?
Аҳмад: Бизга краш-тест шарт эмас. GM автомобилини сотиб олганлар миллий автосаноатимизга маблағ келтиради. “Веста”нгиз қиммат, қўшимча харажат “Лада”га кетади.
Раҳмат: Аслида “Веста” Жентрадан арзон. Энг қиммат комплектацияли “Веста” энг қиммат комплектацияли “Жентра” билан бир хил нархда, аммо “Веста”нинг опциялари “Жентра”никидан кўп.
Аҳмад: Олиб-сотишни истасангиз “Ласетти”га югуринг.
Раҳмат: “Ласетти”нинг энг арзони 103 млн сўм. “Веста” 95 млндан 125 млн сўмгача туради.
Аҳмад: “Лада” шунақа зўр бўлса, нега россияликлар чет маркаларини миниб юради?
Раҳмат: Чунки Россияда “Лада”нинг рақобатчилари кўп, Ўзбекистонда эса GMнинг рақобатчиси йўқ.
Сиз қандай фикрдасиз?