Ҳазилкаш йигит укаси учун янги йил туҳфасини велосипед шаклида ўратди: Ўрам ичидан эса кутилмаган совға чиқди
Reddit сайти фойдаланувчиларидан бири укаси учун велосипед кўринишидаги янги йил совғасини тайёрлаб, унинг ичига боғ ишлари учун мўлжалланган гулқайчи солиб қўйди ва ўз ихтиросини суратга олиб, интернетга жойлади.
Ушбу ҳазил интернет фойдаланувчилари кулгусига сабаб бўлди ва улар ҳам ўз яқинлари билан қандай ҳазил қилгани ҳақида сўзлай кетишди. Улардан бири ўз отаси янги йил байрамида совғани умуман бошқача шаклда ўратиб келиши ва очилгач, ичидан мутлақо ҳаёлга келмайдиган нарса топилиши ҳақида ёзган.
Ушбу беғараз ҳазил ҳақиқатан ҳам киши юзида табассум уйғотади ва яқинларингиз кайфиятининг кўтарилишига сабаб бўлади. Балки уни сиз ҳам амалда синаб кўрарсиз?