Новости за 01.07.2018

افغانستان کے شہر جلال آباد میں سکھوں کی آبادی پروہابی دہشت گردوں کے خودکش حملے میں 10 سکھ باشندوں سمیت کم سےکم 19 افراد ہلاک اور 20 سے زائد زخمی ہوگئے ہیں۔

اسلامی جمہوریہ ایران کے وزیر خارجہ محمد جواد ظریف عمان کے دورے ہیں جہاں انھوں نے عمان کے وزير خارجہ یوسف بن علوی سے ملاقات اور گفتگو کی۔

ہندوستان کے دارالحکومت دہلی کے مضافات میں ایک گھر سے ایک ہی خاندان کے 11 افراد کی لاشیں برآمد ہوئی ہیں جن میں سے 10 لاشیں چھت سے لٹکی ہوئی تھیں۔

امریکی صدر ڈونلڈ ٹرمپ نے سعودی عرب کے بادشاہ اور اپنے غلام ملک سلمان کو تیل کی پیداوار بڑھانے کا حکم دیدیا ہے۔

امریکہ کی متعدد ریاستوں میں امریکی صدر کی مہاجرتی پالیسیوں کے خلاف عوامی مظاہروں کا سلسلہ جاری ہے ادھر مظاہرین نے امریکی صدر کی مہاجرتی پالیسیوں کے خلاف احتجاج کرتے ہوئے امریکی سینیٹ پر قبضہ کرلیا ہے۔

پاکستان نے اپنی جیلوں میں قید 471 ہندوستانی قیدیوں کی تفصیل اسلام آباد میں ہندوستانی سفارت خانے کوفراہم کردی ہیں۔

اسلامی جمہوریہ ایران کے صدر حسن روحانی نے وزیر صنعت و تجارت کو حکم دیا ہے کہ وہ غیر قانونی گاڑیاں در آمد کرنے والوں کے خلاف قانونی کارروائی کرتے ہوئے انھیں عوام اور عدالت کے سامنے معرفی کریں۔

امریکی ریاست پنسلوانیا میں پولیس نے ایک شہری پر فائرنگ کردی جس کے نتیجے میں امریکی پولیس کے خلاف عوامی نفرت میں اضآفہ ہوگیا ہے۔

روس میں فیفا فٹبال ورلڈ کپ مقابلوں کا سلسلہ جاری ہے جہاں یوروگوئہ کی ٹیم نے پرتگال کو ایک کے مقابلے دو گول سے شکست دیدی۔

پاکستان کے شہر فیصل آباد میں نون لیگ کے سابق وزیر اعظم نواز شریف اور پی ٹی آئی رہنما عمران خان کے حامیوں میں تصادم کے نتیجے میں 5 افراد زخمی ہوگئے ۔

اسلامی جمہوریہ ایران کے وزیر داخلہ عبد الرضا رحمانی فضلی نے ایک اجلاس ميں صحافیوں کے سوالات کے جوابات دیئے۔

پاکستان پیپلز پارٹی کے چیئرمین بلاول بھٹو زرداری کے قافلے پر لیاری کے علاقہ میں مسلح دہشت گردوں نے حملہ کیا جس کے نتیجے میںم تعدد گاڑیوں کی شیشے ٹوٹ گئے۔

چین نے اپنے اونچے پہاڑوں میں شیشے کا سب سے بڑا پل تیار کیا ہے جسے دیکھنے کے لئۓ دنیا بھر کے سیاح وہاں آتے ہیں۔

اسلامی جمہوریہ ایران کی اعلی تعلیم و ٹیکنالوجی کے وزیرڈاکٹر منصور غلامی نے مہر خبررساں ایجنسی کے مختلف شعبوں کا قریب سے مشاہدہ کیا۔

اسرائیل کی طرف سے غزہ میں وطن واپسی کی ریلیوں پر اب تک فائرنگ کے نتیجے میں 142 افراد شہید ہوگئے ہیں۔

مشہد مقدس میں میٹرو کی تیسری لائن کا پراجیکٹ دو حصوں پر مشتمل ہے ایک حصہ فردوسی اسکوائر سے قاسم آباد کی طرف جبکہ دوسرا حصہ سیدی کی جانب ہے اور اس سلسلے میں سیدی کی طرف سے میٹرو کا راستہ تیار کرنے والی مشین باب الحواد تک پہنچ گئی ہے۔

شام کے شہر الحسکہ کے ایک مدرسہ کے قریب بم دھماکے ہوا ہے جس کے نتیجے میںم تعدد افراد ہلاک اور زخمی ہوگئے ہیں۔

جنوبی کوریا کے کھلاڑیوں نے روس میں عالمی فٹبال مقابلوں میں بہترین کارکردگی کا مظاہرہ کرتے ہوئے جرمنی کو شکست دیدی ۔ لیکن وطن واپسی پر جنوبی کوریا کے عوام نے کھلاڑیوں پر انڈے پھینک کر ان کا عجیب و غریب استقبال کیا۔

روس میں فیفا ورلڈ فٹبال مقابلوں کا سلسلہ جاری ہے جہاں فرانس نے ارجنٹینا کو 3 کے مقابل 4 گول سے ہرا دیا ہے۔

ہندوستان کی ریاست اترکھنڈ میں بس کھائی میں گرنے سے 45 افراد ہلاک جب کہ متعدد زخمی ہوگئے ہیں۔

نائجیریا کے موٹر وے پر تیز رفتار آئل ٹینکر میں آگ لگنے سے 9 افراد ہلاک ہوگئے جب کہ 50 سے زائد گاڑیوں میں آگ لگ گئی ۔

گل شہر روڈ میں واقع لکڑی کے ایک گودام میں آگ لگ گئی جس کے شعلے 10 میٹر بلند ہوگئے جبکہ فائربریگیڈ کی 6 گاڑیوں نے موقع پر پہنچ کر آگ پر قابو پالیا۔

بندر عباس کے محتلف محلوں میں متعدد پیٹرول پمپ موجود ہیں اس کے باوجود بعض شہریوں کا ذریعہ معاش شہر میں پیٹرول کی فروخت پر منحصر ہے۔

غزہ پٹی میں وطن واپسی کے سلسلے میں ہونے والے مظاہروں میں مزید 2 فلسطینی شہید ہوگئے ہیں جبکہ وطن واپسی پر مبنی ریلیوں میں شہید ہونے والوں کی تعاد 142 تک پہنچ گئی ہے۔

امریکی حکام نے شمالی کوریا پر الزام عائد کرتے ہوئے کہاہے کہ شمالی کوریا نے حالیہ مہینوں میں امریکہ کے ساتھ بہتر تعلقات کے باوجود ایٹمی ہتھیاروں میں استعمال ہونے والے یورینیم کی افزودگی میں اضافہ کر دیا ہے۔