Азнакай районы Актүбә бистәсендә Май чабу бәйрәме булды
Азнакай районы Актүбә бистәсендә Ю.Гагарин исемендәге мәдәният йорты каршындагы мәйданда «Май чабу» бәйрәме узды. Бу хакта «Азнакай» сайтында хәбәр ителә.
Анда шулай ук иң яхшы «Май чабу өстәле» конкурсы уздырылды. Кунакларны ассортиментның бай булуы гаҗәпләндерде.
Тантанада Азнакай районы башлыгы урынбасары Роза Галеева белән Актүбә бистәсе башлыгы Александр Севостьянов кунакларны бәйрәм белән котлап, төрле уеннарда катнашты.