Россиядә яшәүчеләрнең 79 проценттан артыгы Путинга ышануын белдерде
Россиялеләрнең 79,3 проценты РФ Президенты Владимир Путинга ышанулары турында әйтте. Бу сораштыруны Бөтенроссия җәмәгатьчелек фикерен өйрәнү үзәге үткәрде. Шул ук вакытта Россия лидерының эшчәнлеген гражданнарның 76 проценты хуплый.
Чагыштыру өчен: РФ премьер-министры Михаил Мишустинга россиялеләрнең 62,3 проценты, ә Геннадий Зюгановка 31,9 проценты ышана. Сораштыруда катнашучыларның 30,8 проценты Сергей Мироновка, 18,6 проценты Леонид Слуцкийга ышануын белдергән.
Партияләргә ышаныч мәсьәләсенә килгәндә, «Бердәм Россия»гә сораштыруда катнашучыларның 40,9 проценты, КПРФ партиясенә 9,4 проценты, ЛДПРга 9,3 проценты, «Яңа кешеләр» партиясенә 4,7 проценты, ә «Гадел Россия»гә 4,6 проценты ышануын белдергән.