Ульяновск өлкәсендә поездлар бәрелешкәч, 25 кеше зыян күргән
Ульяновск өлкәсендә пассажир поезды һәм маневр локомотивы бәрелешкән. Бу хакта Россия Тикшерү комитетының Транспортта төбәкара тикшерү идарәсе хәбәр итә.
Һәлакәт Куйбышев тимер юлының 962 километры тирәсендә булган, дип билгеләп үттеләр ведомствода. Якынча мәгълүматларга караганда, 25 кеше зыян күргән. Машинист ашыгыч рәвештә тормозга басарга өлгерә, әмма бәрелешүне булдырмый кала алмый, дип билгеләп үттеләр «Россия тимер юллары» оешмасында.
«Якынча мәгълүматларга караганда, 25 пассажир, шул исәптән балигъ булмаган бер бала, медицина ярдәме сорап мөрәҗәгать иткән. Барлык зыян күрүчеләргә кирәкле ярдәм күрсәтелә», — диелә компаниянең Telegram-каналында.
Тикшерүгә кадәрге тикшерү үткәрү оештырылган. Үз чиратында Ульяновск транспорт прокуратурасы тикшерү башлаган.
Урында тикшерүчеләр, криминалистлар һәм ашыгыч хезмәт хезмәткәрләре эшли, диелә «Татар-информ» хәбәрендә.