Саратов шәһәренең «Зейд бин Сабит» Коръән үзәге онлайн-конкурста җиңүчеләрне ачыклады
Саратов шәһәренең «Зейд бин Сабит» Коръән үзәге «Свирель Давуда» онлайн-конкурсына йомгак ясады. Ул «ВКонтакте» социаль челтәрендә үткәрелде. Бу хакта Россия Мөфтиләр шурасы матбугат хезмәте хәбәр итә.
Конкурста 5 яшькә кадәрге мөселман балалар катнашты. Алар «Әл-Исра» сүрәсенең 1нче аятен яттан укуда ярышты.
Конкурс йомгаклары буенча Коръән үзәге укытучылары җиңүчене һәм призерларны билгеләде. Алар - Мөхәммәт Камолиддинов, Сөләйман Абдурәхимов һәм Тасним Хосилова.
Шунысын да билгеләп үтәргә кирәк, «Зейд бин Сабит» Коръән үзәге изге Коръән укуны һәм укытуны популярлаштыру өчен олылар һәм балалар арасында даими рәвештә конкурслар үткәрә.