Уфада күренекле композитор Салават Низаметдинов истәлегенә мемориаль такта куелды
19 октябрьдә Уфада күренекле композитор Салават Низаметдиновка тантаналы рәвештә мемориаль такта ачтылар. Бу хакта «Башинформ» хәбәр итә.
Мемориаль такта Ленин урамындагы 162нче йорт фасадына урнаштырылган, анда композитор 1997 елдан 2003 елга кадәр гаиләсе белән яшәгән.
Киләчәктә композитор исемен Уфа скверларының берсенә бирү планлаштырыла. Шулай ук 14 декабрьдә Башкорт опера һәм балет театрында «Ай тотылган төндә» операсы премьерасы була.
Башкортстан опера һәм балет театры матбугат хезмәтендә хәбәр итүләренчә, театрның 85 еллыгы көнендә ул театральләштерелгән тамаша булачак, ә алга таба 2024 ел репертуарына опера буларак кертеләчәк.
Салават Низаметдинов (1957-2013) - атаклы башкорт композиторы, ул сукыр булган.