Иннополис лицееның математика укытучысы Россиянең иң яхшы 15 укытучысы арасына керде
«Россия ел укытучысы - 2023» конкурсы финалының беренче тур сынаулары тәмамланды. Катнашучылар инде педагогик диктант язды, «Мөһим сөйләшүләр» һәм үз фәннәре буенча ачык дәресләр уздырды. Бу хакта ТР Мәгариф һәм фән министрлыгы матбугат хезмәте хәбәр итә.
Бүген икенче тур сынауларын дәвам итәчәк 15 лауреатны игълан итү тантанасы булды. Шуларның берсе - «Иннополис» лицееның математика укытучысы Арман Костанян.
1 октябрьдән 3 октябрьгә кадәр лауреатлар мастер-класслар үткәрә, матбугат конференциясендә катнаша һәм лекцияләр укый.