Самарада татарча «Ул әле өйләнмәгән иде» спектаклен күрсәттеләр
Самарада Гаяз Исхакыйның «Ул әле өйләнмәгән иде» повесте буенча спектакль премьерасы булды. Ул «Театраль Идел» («Волга театральная») фестивале кысаларында тәкъдим ителде. Бу хакта «Самара татарлары» хәбәр итә.
«Спектакльнең төп темасы милләтара никахлар булса да, режиссер аны киңрәк үстергән һәм тулаем татар мәдәнияте үсешенә караш буларак тәкъдим иткән. Спектакльгә тамашачылар зал тутырып килгән һәм көчле алкышларга күмгән», диелә хәбәрдә.
Бу повестьны Исхакый 1916 елда яза, ул 1918 елда басылып чыга.