Регина Тодоренко һәм Тимур Родригез Татарстанга багышланган тревел-шоу сериясен чыгарды
Бүген «Пятница» телеканалында Регина Тодоренко һәм Тимур Родригез белән «Руссо Экспрессо» тревел-шоуның Татарстанга багышланган чыгарылышы чыкты.
Регина Тодоренко Казан үзәгендә булды, метрода йөрде, татар халкының милли ризыкларын татып карады һәм IT-паркта булды.
Тимур Родригез, үз чиратында, виноград куагы утыртты, Кукмара киез итек комбинатын карады, борынгы Болгар шәһәренә барды һәм җәядән атарга өйрәнде.
Элегрәк алып баручылар Сочи, Самара, Әстерхан һәм Владивостокта булган иде.