Рөстәм Миңнеханов DigitalSkills чемпионатыннан фотолар күрсәтте
Татарстан Рәисе Рөстәм Миңнеханов Telegram-каналында цифрлы технологияләр өлкәсендә DigitalSkills чемпионатыннан фотолар урнаштырды.
«Чемпионатта катнашучылар роботлар җыя, очу аппаратларын сынап карый, виртуаль уеннар проектлый. 6 меңнән артык бала экскурсиядә булды һәм үзләрен төрле һөнәрләрдә сынап карады инде!» - дип искәртте республика җитәкчесе.
Төрле илләрдән 300гә якын катнашучы җыелган DigitalSkills чемпионаты Kazan Digital Week мәйданчыгында оештырылган. Чара кысаларында цифрлы тармак белгеченең эш стандартлары булдырылырга тиеш.