Миңнеханов Үзбәкстанның Чирчик шәһәре хакиме белән кооперация үсеше турында фикер алышты
Татарстан Рәисе Рөстәм Миңнеханов Ташкент өлкәсенең Чирчик шәһәре хакиме Даврон Хидоятов белән очрашу үткәрде. Бу хакта Татарстан җитәкчесенең матбугат хезмәте хәбәр итә.
Искәртик, Үзбәкстанның бу шәһәрендә узган ел шул ук исемдәге индустриаль технопарк ачылды.
Алар Россия-Үзбәкстан мөнәсәбәтләре кысаларында элемтәләрне ныгыту мәсьәләләренә, шулай ук алга таба сәнәгать кооперациясен үстерүгә кагылды.
Татарстанда Хидоятов Бәшир Рәмиев исемендәге ИТ-паркта, «Иннополис» һәм «Алабуга» махсус икътисади зоналарында, шулай ук «Химград» технополисында һәм республиканың башка предприятиеләрендә булырга уйлый.
Фото: © ТР Рәисе матбугат хезмәте