Рөстәм Миңнеханов СИБУРга Казанда фәнни үзәк төзү карары өчен рәхмәт белдерде
Татарстан Рәисе Рөстәм Миңнеханов ТР Дәүләт Советына юлламасында СИБУР компаниясенә Казанда Фәнни-тикшеренү һәм тәҗрибә-конструкторлык эшләре үзәген төзү карары өчен рәхмәт белдерде.
«Без СИБУР компаниясе җитәкчелегенә Казанда Фәнни-тикшеренү һәм тәҗрибә-конструкторлык эшләре үзәген төзү турында кабул ителгән карар өчен рәхмәтле, бу безнең предприятиеләрнең базарда позицияләрен көчәйтергә һәм Татарстанда химия һәм нефть химиясен алга таба үстерүгә яңа этәргеч бирәчәк», - диде Миңнеханов.
Ул шулай ук СИБУРның хезмәт шартларының заманча стандартларын кертү буенча якын килүенә игътибар итте. Бу максатларга компания 1 млрд сумнан артык акча җибәрде. Акча көнкүреш биналарын, медицина пунктларын һәм ашханәләрне ремонтлау һәм җиһазлауга юнәлтелгән. Шулай ук СИБУР Түбән Камада социаль объектларны реконструкцияләүдә актив катнаша.
Республика җитәкчесе шулай ук нефть химиясе өлкәсендәге мөһим бурычларның берсе ЭП-600 олефин комплексын эшләтеп җибәрү булуын белдерде. Татарстан территориясендә проектны гамәлгә ашыруны СИБУР компаниясе дәвам итә.