Песков Путин белән Лукашенконың 15 сентябрьдә Сочида очрашачагын раслады
Россия Президенты Владимир Путин 15 сентябрьдә үзенең Беларусь коллегасы Александр Лукашенко белән Сочида сөйләшүләр уздырачак. Бу хакта Россия лидерының матбугат сәркатибе Дмитрий Песков хәбәр итте. РИА Новости шул хакта яза.
«Шулай ук Путинның Сочида Беларусь Президенты Александр Лукашенко белән очрашуы планлаштырылган», - диде Кремль вәкиле.
Песков билгеләп үткәнчә, ике дәүләт башлыгы даими рәвештә «сәгатьләрне чагыштыралар, фикер алышалар», һәм Беларусь Россия өчен якын союздаш булуын искә төшерде.