Татарстан Үзәк сайлау комиссиясе: 161 депутат мандатына 545 кандидат дәгъва кыла
10 сентябрьдә Татарстанның 36 муниципалитетында муниципаль берәмлекләрнең вәкиллекле органнарына депутат сайлаулары узачак. Татарстан Дәүләт Советы Президиумы утырышында әлеге сайлау кампаниясе турында Татарстан Үзәк сайлау комиссиясе рәисе Андрей Кондратьев сөйләде.
«161 депутат мандатына 545 кандидат дәгъва кыла. Җирле дәрәҗәдә сайлау кампаниясе уздыруны 41 территориаль һәм 177 участок сайлау комиссиясе тәэмин итәчәк. Фәрит Мөхәммәтшин сайлаулар «намуслы һәм чиста» узсын өчен алдагы кампанияне оешкан рәвештә уздырырга кушты», — дип билгеләп үтте докладчы.
Элегрәк «Татар-информ» хәбәр иткәнчә, Татарстан Дәүләт Советы Президиумы утырышында Татарстан Рәисе Рөстәм Миңнехановның парламентка юлламасы датасы расланды.