Татарстан халкын кыска эш атнасы көтә
Алдагы эш атнасы Татарстан халкы өчен кыска булачак, чөнки 30 августта Республика көне билгеләп үтелә. Бу хакта Татарстан Хезмәт министрлыгы хәбәр итә.
«Татарстан Республикасының бәйрәм көннәре һәм истәлекле даталары турында» Татарстан Республикасы Законы нигезендә, 30 август — Татарстан Республикасы көне — төбәктә эшләми торган бәйрәм көне, дип искә төшерәләр ведомствода.
Бәйрәм көне алдыннан эш көненең яки сменаның озынлыгы Россия Федерациясе Хезмәт кодексына ярашлы рәвештә бер сәгатькә кыскара. 29 август, сишәмбе көнне дә шулай булачак.