Булат Йосыповның «Дневник поэта» фильмы Россия һәм халыкара фестивальләрдә күрсәтелде
Барнаулдагы Шукшин кинофестивалендә «Дневник поэта» фильмы конкурс буенча күрсәтелде. Башкортстанның беренче халык фильмын режиссер үзе Башкортстанның атказанган сәнгать эшлеклесе Булат Йосыпов тәкъдим итте. «Башинформ» шул турыда яза.
15 июльдә «Шагыйрь көндәлеге» фильмы «Алтын тәлинкә» төбәкара премиясенең тамашачы тавыш бирүе буенча җиңүче булган.
«Безнең фильм Бөекбританиядә Lift-Off Global Network дәрәҗәле фестивалендә катнашу өчен сайлап алынды. Бу – безнең команда өчен зур дәрәҗә. Безнең фильм Италиядә «Ischia Global Film Festival»да күрсәтелде. Рәми Гарипов тарихы дөнья буйлап атлый! Кырымда Vote to Film фестиваленә дә чакыру алдык», – дип сөйләде режиссер.
Фильмны Мәскәү, Санкт-Петербург, Казан, Тула, Кострома, Нерехта, Ярославль, Саратов шәһәрләрендәге тамашачылар караган. Башкортстанда ул 50 залда күрсәтелгән.