Аксакаллар шурасы Хәтер көнен үткәрү датасы турында фикер алышты
Бүген Кол Шәриф мәчетендә Татарстан Республикасы мөселманнары Диния нәзарәтенең Аксакаллар шурасы Хәтер көненә багышланган утырыш үткәрде, ул ел саен уздырыла. Утырышта якынча 80 кеше – Татарстан Республикасы мөселманнары Диния нәзарәтенең Аксакаллар шурасы әгъзалары һәм республика районнарыннан чакырылган мөхтәсибләр катнашты.
Чарада катнашучылар шураның 2022 елгы эшчәнлегенә нәтиҗә ясады һәм Татарстан муниципаль районнарында хәләл ризык тармагын үстерү мәсьәләләре турында фикер алышты. Аннары чарада катнашучылар Татарстан мөфтие Камил хәзрәт Сәмигуллин белән бергә намаз укыды. Ахырда мөфти Ватанны саклауда һәлак булганнар рухына дога кылды.
Искәртеп үтәбез, ике ел элек Камил хәзрәт Сәмигуллин Казан алынган вакытта һәлак булганнарны искә алу көне – Хәтер көнен мөселман (Хиҗри) календаре буенча үткәрергә тәкъдим иткән иде.
- Белешмә: тарихчылар мәгълүматларынча, Казан алынган көн – 15.10.1552 мөселман календаре буенча шәүвәл аеның 13нче көненә туры килә. Бу календарь буенча әлеге дата ел саен 11 көнгә күчә. 2023 елда шәүвәл аеның 13нче көне 3 майга туры килә. Шулай итеп, бу дата күчеп йөри һәм дөньяви календарьның конкрет көненә билгеләнмәгән.