Миңнеханов Түбән Кама районы халкы белән хезмәт шартлары, сөт бәясе турында фикер алышты
Татарстан Рәисе Рөстәм Миңнеханов Түбән Кама районында булды. Ул муниципалитет кырларын очкычтан карап әйләнеп чыкты һәм авыл җирлекләре башлыклары, язгы кыр эшләре белән шөгыльләнүче механизаторлар белән очрашты.
Миңнеханов райондагы хезмәт шартлары белән кызыксынды. Түбән Кама районы башлыгы Рамил Муллин муниципалитетта 65 фермер хуҗалыгы эшләвен, хәлнең тотрыклы булуын сөйләде. Төп чәчү эшләре тәмамлану алдында икәнен әйтте.
Татарстан Республикасы Авыл хуҗалыгы һәм азык-төлек министрлыгы башлыгы Марат Җәббаров нәтиҗәлелек рейтингы буенча районның 11нче урында торуын искәртте. Биредә терлекләр саны буенча бераз үсеш булуы, шәхси ярдәмчел хуҗалыклар үсешендә уңай динамика билгеләнә.
Моннан тыш, очрашуда катнашучылар сөтнең бәясе турында борчылуларын белдерделәр. ТР Рәисе мәсьәләнең инде федераль дәрәҗәдә тикшерергә әзер икәнлекләрен искәртте.